Mutual Fund: మ్యూచువల్ ఫండ్ లో సిప్ పెట్టుబడి పెడుతున్నారా..!

ఈ మధ్య మ్యూచువల్ ఫండ్ లో పెట్టుబడులు పెరుగుతోన్నాయి. ముఖ్యం సిస్టమాటిక్ ఇన్వెస్ట్‌మెంట్ ప్లాన్‌లో పెట్టుబడి పెట్టే వారి సంఖ్య భారీగా పెరుగుతోంది. అయితే మీరు పెట్టుబడి పెట్టే ఫండ్ ఫర్మామెన్స్ ఎప్పటికప్పుడు చెక్ చేసుకుంటూ ఉండాలి. వైట్‌ఓక్ క్యాపిటల్ మ్యూచువల్ ఫండ్ దీనికి సంబంధించి నిర్వహించిన అధ్యయనంలో సిప్ పెట్టుబడికి సంబంధించి పలు విషయాలు వెలుగులోకి వచ్చాయి.

గత 19 ఏళ్లలో స్మాల్‌క్యాప్ ఇండెక్స్, మిడ్‌క్యాప్ ఇండెక్స్‌లో చేసిన సిప్ లు లార్జ్ క్యాప్ ఇండెక్స్ కంటే మెరుగైన రాబడిని ఇచ్చాయని ఈ అధ్యయనం తేలింది. అయితే, గత 19 ఆర్థిక సంవత్సరాల్లో, లార్జ్‌క్యాప్ విభాగంలోని సిప్ లు ఏడు రెట్లు అధిగమించగా, స్మాల్‌క్యాప్, మిడ్‌క్యాప్ ఇండెక్స్‌లోని సిప్ లు ఆరు రెట్లు అధిగమించాయి.

ఒక ఇన్వెస్టర్ గత సంవత్సరం అత్యుత్తమ పనితీరు కనబరుస్తున్న ఇండెక్స్‌కు మారే బదులు మిడ్‌క్యాప్ ఇండెక్స్‌లో పెట్టుబడిని కొనసాగించినట్లయితే, అతను ఏప్రిల్ 1, 2024 వరకు 18.8 శాతం వార్షిక రాబడిని పొందాడు. కాగా, ఇండెక్స్‌ను మార్చిన తర్వాత కేవలం 15.5 శాతం రాబడి మాత్రమే పొందగలిగాగడు. ఒక పెట్టుబడిదారు స్మాల్‌క్యాప్ ఇండెక్స్‌లో SIPని ప్రారంభిస్తే, అతను 16 శాతం వార్షిక రాబడిని పొందుతాడు. ఇండెక్స్‌ను మార్చినప్పుడు రాబడి 15.1 శాతం మాత్రమే.

మీరు 10 సంవత్సరాల రోలింగ్ SIP రిటర్న్‌లను పరిశీలిస్తే, మిడ్‌క్యాప్ ఇండెక్స్‌లో నిరంతర సిప్ 16.6 శాతం వార్షిక రాబడిని ఇచ్చింది. మిడ్‌క్యాప్ ఇండెక్స్‌లో ప్రారంభమై గత ఏడాది అత్యుత్తమ పనితీరు సూచీకి మారిన వారికి 14.5 శాతం మాత్రమే రాబడి వచ్చింది. స్మాల్‌క్యాప్ ఇండెక్స్‌లో సిప్ సగటు రాబడి 14 శాతంగా ఉంది.