అలీబాబాను దాటేసిన సౌదీ ఆరామ్‌కో, రికార్డ్ స్థాయి ట్రేడింగ్‌తో ప్రారంభం

అంతర్జాతీయంగా అత్యంత విలువైన సంస్థగా సౌదీ అరేబియాకు చెందిన ఆరామ్‌కో అవతరించింది. ఇటీవల IPO బిడ్డింగ్ ముగించుకున్న ఈ కంపెనీ షేర్లు బుధవారం సౌదీ స్టాక్ ఎక్స్చేంజీలో నమోదయ్యాయి. ట్రేడింగ్ 35.2 రియాల్స్ వద్ద ప్రారంభమైంది. డాలర్లలో 9.39. అంటే దాదాపు 10 శాతం లాభంతో ట్రేడింగ్ ప్రారంభించింది. ఈ కంపెనీ షేర్లను 32 రియాళ్ల వద్ద IPOలో కేటాయించారు.

IPOలో ప్రైస్ బ్యాండ్‌లో అత్యధికంగా ఆరామ్‌కో షేరును 32 రియాళ్లుగా నిర్ణయించారు. దీంతో ఈ IPO వ్యాల్యూ 2014లో చైనా రిటైల్ దిగ్గజం అలీబాబా IPO వ్యాల్యూ 25 బిలియన్ డాలర్లను దాటింది. ఇప్పుడు తొలి ట్రేడింగ్‌లో 10 సాతం వ్యాల్యూ పెరగడంతో ఆరామ్ కో మార్కెట్ వ్యాల్యూ ఇప్పుడు 1.88 ట్రిలియన్ డాలర్లకు చేరుకుంది. దీంతో ప్రపంచంలో అత్యంత విలువైన లిస్టెడ్ కంపెనీగా నిలిచింది.

ప్రపంచంలోనే అత్యంత పెద్ద చమురు సంస్థలు ఎక్సాన్ మోబిల్, టోటల్, రాయల్ డచ్ షెల్, చెవ్రాన్, బీపీలు కలిసినా కూడా ఆరామ్‌కో వ్యాల్యూ ఎక్కువే. ఆరామ్ కో ప్రపంచంలోనే అతిపెద్ద లిస్టెడ్ కంపెనీగా అవతరించిందని, తద్వాల్‌లో కూడా ఇదే అతిపెద్ద కంపెనీ అని సౌదీ స్టాక్ మార్కెట్ తెలిపింది.