డొనాల్డ్ ట్రంప్ ప్రమాణస్వీకారానికి ఆపిల్ సీఈఓ భారీ విరాళం.. అమెజాన్ సహా ప్రముఖ కంపెనీల క్యూ..

డిసెంబరులో అమెరికా కొత్త అధ్యక్షుడిగా డోనాల్డ్ ట్రంప్ ఎన్నికైన సంగతి మీకు తెల్సిందే. అయితే ఈ నెల జనవరి 20న జరగనున్న ట్రంప్ ప్రమాణస్వీకారోత్సవం జరగనుంది. ఈ ప్రమాణ స్వీకారానికి ముందు అమెరికా అధ్యక్షుడిగా ఎన్నికైన డొనాల్డ్ ట్రంప్ ప్రమాణస్వీకార నిధికి 1 మిలియన్ డాలర్లు (సుమారు 8.5 కోట్లకు పైమాటే) విరాళంగా ఇవ్వాలని ఆపిల్ సీఈవో టిమ్ కుక్ నిర్ణయించినట్లు యాక్సియోస్ నివేదిక వెల్లడించింది. టీం కుక్ ఈ ప్రమాణస్వీకారోత్సవాన్ని ఒక ముఖ్యమైన అమెరికన్ సంప్రదాయంగా భవిస్తూ, "స్పిరిట్ ఆఫ్ యూనిటీ"కి ప్రతీకగా అందిస్తున్నారు. యునైటెడ్ స్టేట్స్‌లో అతిపెద్ద ట్యాక్స్ పెయర్ ఆపిల్ కాగా, ఈ విరాళం కంపెనీ విరాళంగా కాకుండా టీం కుక్ తన వ్యక్తిగతంగా ఇస్తున్నారు.

ప్రమాణస్వీకారోత్సవానికి టెక్ అండ్ కార్పొరేట్ దిగ్గజాల విరాళాలు
చాల ప్రముఖ సంస్థలు, ఎగ్జిగ్యూటివులు ట్రంప్ ప్రమాణస్వీకారోత్సవానికి విరాళాలు అందిస్తున్నట్లు తెలిపాయి. అమెజాన్ కూడా $1 మిలియన్‌ విరాళంగా అందిస్తుండగా, అమెజాన్ ప్రైమ్ వీడియోలో ప్రమాణస్వీకారోత్సవ ఈవెంట్‌ లైవ్ ప్రసారం చేయనుంది. నార్త్ అమెరికాకు చెందిన టొయోటా మోటార్, ఫోర్డ్ అండ్ జనరల్ మోటార్స్‌ ఈ ఈవెంట్ కోసం $1 మిలియన్ల విరాళంతో పాటు వాహనాల సహకారం అందిస్తామని తెలిపాయి.

ఆర్థిక రంగంలో చూస్తే సిటాడెల్ LLC వ్యవస్థాపకుడు కెన్ గ్రిఫిన్ ఎన్నికల సమయంలో ట్రంప్ తరుపున ప్రచారం చేయనప్పటికీ $1 మిలియన్ విరాళంగా ఇవ్వనున్నారు. రిటైల్ ట్రేడింగ్ ప్లాట్‌ఫారమ్ రాబిన్‌హుడ్ $2 మిలియన్లను విరాళంగా అందించగా, ఉబెర్ టెక్నాలజీస్ అండ్ సీఈఓ దారా ఖోస్రోషాహి చేరొక్క $1 మిలియన్ విరాళంగా అందిస్తున్నారు.

ఆపిల్ $95 మిలియన్ సెటిల్‌మెంట్
ఆపిల్ వినియోగదారుల మాటలను వినడానికి వర్చువల్ అసిస్టెంట్ సిరిని ఉపయోగిస్తోందని ఆరోపిస్తూ వేసిన దావాలో $95 మిలియన్ల సెటిల్మెంట్ ఆపిల్ అంగీకరించింది. ఐదేళ్లుగా కొనసాగుతున్న ఈ వ్యాజ్యంలో సిరి దశాబ్దలుగా వినియోగదారుల సంభాషణలను రహస్యంగా రికార్డ్ చేసిందని ఆరోపించింది. అయితే ఈ తరుణంలోనే టిమ్ కుక్ ఈ విరాళం ఇవ్వడానికి నిర్ణయం తీసుకున్నారు.

ప్రైవసీని "ప్రాథమిక మానవ హక్కు"గా ఎల్లప్పుడూ నొక్కి చెప్పే Apple సంస్థ, ఈ కేసులో ఎలాంటి తప్పు చేయలేదని ఖండించింది. కాలిఫోర్నియా ఫెడరల్ కోర్ట్ దీన్ని ఆమోదించినట్లయితే ఈ పరిష్కారం కోసం కోట్ల మంది Apple వినియోగదారులు సమస్యకి ప్రతి డివైజ్ కి $20 వరకు క్లెయిమ్ చేయవచ్చు. అయితే కస్టమర్లలో 3% నుండి 5% మంది మాత్రమే క్లెయిమ్‌లను దాఖలు చేస్తారని నివేదికలు సూచిస్తున్నాయి.

ఇతర విరాళాలు
టిమ్ కుక్ $1 మిలియన్ విరాళం ట్రంప్ ప్రమాణ స్వీకారానికి ఉన్నత స్థాయి ఆర్థిక సహకారాల వరుసలో నిలుస్తుంది. ఈ ఈవెంట్‌కు ఆటోమోటివ్, టెక్నాలజీ అండ్ ఫైనాన్స్‌తో సహా వివిధ పరిశ్రమల నుండి మద్దతు లభించింది.