భారత క్రికెట్ జట్టుకు కొత్త స్పాన్సర్‌గా అపోలో టైర్స్..టీం ఇండియా జెర్సీలో ఇకపై Apollo Tyres లోగో

భారత క్రికెట్ నియంత్రణ మండలి (BCCI) కొత్త లీడ్ స్పాన్సర్ కోసం చేసిన ప్రక్రియ నేటితో ముగిసింది. ఇప్పుడు భారత క్రికెట్ జట్టుకు (టీం ఇండియా) అపోలో టైర్స్ కొత్త స్పాన్సర్‌గా ఎంపికైంది. టీం ఇండియా జెర్సీలో ఇప్పుడు అపోలో టైర్స్ లోగో కనిపించనుంది. ఈ స్పాన్సర్‌షిప్ కోసం గట్టి పోటీనే జరిగింది. గ్రేటర్ నేషనల్, జెకె సిమెంట్స్ వంటి పెద్ద కంపెనీలు ఈ పోటీలో పాల్గొన్నప్పటికీ, గురుగ్రామ్ ఆధారిత అపోలో టైర్స్ రూ.579 కోట్ల భారీ బిడ్ వేయడం ద్వారా హక్కులు దక్కించుకుంది.

డ్రీమ్11 గత ఒప్పందాన్ని ప్రభుత్వ ఆన్‌లైన్ గేమింగ్ చట్టం కారణంగా విడిచిపెట్టిన సంగతి విదితమే. అందువల్ల, BCCI సెప్టెంబర్ 2న కొత్త స్పాన్సర్ కోసం బిడ్లను ఆహ్వానించింది. అప్పటి నుండి టీం ఇండియా ఆసియా కప్ (దుబాయ్, అబుదాబి)లో స్పాన్సర్ లేకుండా ఆడుతోంది. Apollo Tyres ఈ ఒప్పందాన్ని గెలిచిన సందర్భంగా ఇది 3 సంవత్సరాల ఒప్పందం అని వెల్లడైంది. ఈ ఒప్పందం ప్రకారం మొత్తం 121 ద్వైపాక్షిక మ్యాచ్‌లు, 21 ఐసిసి మ్యాచ్‌లు అపోల్ టైర్స్ స్పాన్సర్ కింద కవరవుతాయి.

అపోలో టైర్స్ ప్రపంచవ్యాప్తంగా 100 కి పైగా దేశాలలో కార్యకలాపాలు నిర్వహిస్తోంది. ఈ ఒప్పందం ద్వారా అపోలో తన బ్రాండ్‌ను భారత క్రికెట్ ద్వారా విశాల ప్రేక్షకులకు చేరువ చేయగలదు. ప్రత్యేకంగా, దీనివల్ల ప్రపంచంలోని అతిపెద్ద క్రీడా వేదికలలో ఒకదానిపై తన ఉనికిని అపోలో మరింత బలోపేతం చేసుకోవచ్చు.

ఈ ఒప్పందంలో అపోలో బిడ్ చాలా ప్రాధాన్యం కలిగి ఉంది. BCCI రెగ్యులర్ ద్వైపాక్షిక మ్యాచ్‌కు కనీసం రూ.3.5 కోట్లు, ICC టోర్నమెంట్ మ్యాచ్‌కు రూ.1.5 కోట్లు నిర్ణయించినప్పటికీ, అపోలో బ్యిడ్ సగటున ఒక్కో మ్యాచ్‌కు సుమారు రూ.4.77 కోట్ల మేరకు ఉంది. ఇది ప్రస్తుతం ఉన్న స్పాన్సర్ ఒప్పందాల కన్నా ఎక్కువ విలువను సూచిస్తుంది. ఈ ఒప్పందం కేవలం వ్యాపార ఒప్పందంగా కాకుండా, భారత క్రికెట్ ఆర్థిక శక్తిని ప్రపంచానికి తెలియజేసే అవకాశంగా నిలుస్తోంది. టెక్నాలజీ ఆధారిత కొత్త బ్రాండ్లు కూడా క్రికెట్ స్పాన్సర్‌షిప్‌లో ఆకర్షితమవుతున్నాయి. ఇది భారత క్రికెట్ పరిశ్రమకు కొత్త మైలురాయిగా నిలవనుంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి