Bengaluru News: బెంగళూరు వాసులకు గుడ్ న్యూస్.. అందుబాటులోకి రానున్న భారీ ఐకియా స్టోర్..!

బెంగళూరు వాసులకు గుడ్ న్యూస్. స్వీడన్‌కు చెందిన గృహోపకరణాల రిటైలర్ ఐకియా (IKEA) రెండో స్టోర్ ను ప్రారంభించనుంది. నగరంలో తన భారీ స్టోర్‌ను ప్రారంభించిన దాదాపు నాలుగున్నర సంవత్సరాల తర్వాత దక్షిణ బెంగళూరులో తన 2026 నవంబర్ 5న కొత్త సిటీ స్టోర్‌ను ప్రారంభించనుంది. 80,000 చదరపు అడుగుల విస్తీర్ణంలో ఉండే ఈ సిటీ సెంటర్ స్టోర్, 5,200కు పైగా ఉత్పత్తులను అందిస్తుంది. దీని ద్వారా ఐకియా గృహోపకరణాల శ్రేణి బెంగళూరు దక్షిణ ప్రాంతాలలోని వినియోగదారులకు మరింత చేరువ కానుంది. 2021లో ఈ-కామర్స్ ద్వారా నగరంలోకి ప్రవేశించిన ఐకియా, 2022 జూన్‌లో బెంగళూరులో తన మొదటి స్టోర్‌ను ప్రారంభించింది.

4.6 లక్షల చదరపు అడుగుల విస్తీర్ణంలో ఉన్న నాగాసంద్ర అవుట్‌లెట్ లో 2022 జూన్ 22న ప్రజల కోసం ప్రారంభించింది. ఇది కర్ణాటకలో కంపెనీ మొదటి ఫిజికల్ స్టోర్. భారతదేశంలో తమ ప్రయాణంలో బెంగళూరుకు ఒక ప్రత్యేక స్థానం ఉందని కంపెనీ పేర్కొంది. గత ఐదేళ్లుగా తాము వేలాది ఇళ్లలోకి అడుగుపెట్టాము. వినియోగదారులు ఎలా జీవిస్తున్నారు, వారు దేనికి విలువ ఇస్తున్నారు, వారి అవసరాలు ఎలా మారుతున్నాయి అనే విషయాలను తెలుసుకునే అవకాశం తమకు లభించిందని ఐకియా ఇండియా సీఈఓ పాట్రిక్ ఆంటోని అన్నారు. బెంగళూరులో మరో స్టోర్‌ను ప్రారంభించడం కంపెనీకి ఒక మైలురాయి అని, వినియోగదారులకు అందుబాటును, సౌకర్యాన్ని మెరుగుపరచాలనే దాని నిబద్ధతను ఇది ప్రతిబింబిస్తుందని పేర్కొన్నారు.

దక్షిణ బెంగళూరులో మారుతున్న గృహోపకరణాల అవసరాలను దృష్టిలో ఉంచుకుని ఈ కొత్త అవుట్‌లెట్‌ను రూపొందించారు. ఇక్కడ స్వతంత్ర గృహాలు, బహుళ తరాల నివాసాలు, చిన్న అపార్ట్‌మెంట్లు కలగలిసి ఉండటం వల్ల బహుళ ప్రయోజన ఫర్నిచర్ లభించనుంది. ఐకియా పెద్ద-ఫార్మాట్ స్టోర్‌లు విస్తృతమైన, పూర్తిస్థాయి షాపింగ్ అనుభవాన్ని అందిస్తుండగా, దాని సిటీ స్టోర్‌లు గృహోపకరణ ఉత్పత్తులను, ప్రణాళిక సేవలను వినియోగదారులకు మరింత చేరువ చేయడానికి రూపొందించిన చిన్న పట్టణ అవుట్‌లెట్‌లు. ఐకియా ప్రస్తుతం నాలుగు సిటీ స్టోర్‌లను నిర్వహిస్తోంది. ముంబైలోని వర్లీ; న్యూఢిల్లీలోని సాకేత్‌లో టాగోర్ గార్డెన్, డీఎల్‌ఎఫ్ అవెన్యూ, పూణేలోని ఫీనిక్స్ మార్కెట్‌సిటీ.

ఈ కంపెనీ భారతదేశంలోని హైదరాబాద్, నవీ ముంబై, బెంగళూరులలో మూడు పెద్ద ఫార్మాట్ స్టోర్లను నిర్వహిస్తోంది. మహారాష్ట్ర, ఆంధ్రప్రదేశ్-తెలంగాణ, గుజరాత్, కర్ణాటక, ఢిల్లీ-ఎన్‌సిఆర్ (Delhi-NCR), ఆగ్రా, ప్రయాగ్‌రాజ్, అమృత్‌సర్, చండీగఢ్, జైపూర్, కాన్పూర్, లక్నో, లుధియానా, వారణాసి మరియు గోవాలలో IKEA ఆన్‌లైన్ సేవలను అందిస్తోంది. ఈ సంస్థకు పూణే, గురుగ్రామ్‌లలో రెండు పంపిణీ కేంద్రాలు ఉన్నాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.