ఈ నెల 15వ తేదీ వరకు పెనాల్టీలు వద్దు, సెబీకి అన్మి లేఖ

షేర్ల క్రయవిక్రయాలకు జరిపినప్పుడు ఇన్వెస్టర్ల ఖాతాల్లో కొత్త మార్జిన్ నిబంధనలకు అనుగుణంగా తగినంద నగదు నిల్వలు లేకపోతే పెనాల్టీ విధించే విధానాన్ని ఈ నెల 15వ తేదీ వరకు రద్దు చేయాలని స్టాక్ బ్రోకింగ్ సంస్థల సంఘం ANMI(అసోసియేషన్ ఆఫ్ నేషనల్ ఎక్స్చేంజెస్ మెంబర్స్ ఆఫ్ ఇండియా) మార్కెట్ రెగ్యులేటర్ సెక్యూరిటీస్ అండ్ ఎక్స్చేంజ్ బోర్డ్ ఆఫ్ ఇండియా(SEBI)ను కోరింది.

ప్లెడ్జి, రీప్లెడ్జితో కూడిన కొత్త విధానానికి ఇంకా పూర్తిస్థాయిలో సన్నద్ధం కాలేదని, కాబట్టి కొద్దిరోజుల పాటు పెనాల్టీలు విధించవద్దని కోరింది. కొత్త విధానం ఈ నెల 1వ తేదీ నుండి అమలులోకి వచ్చిన విషయం తెలిసిందే. అటు ఇన్వెస్టర్లు, ఇటు స్టాక్ బ్రోకర్లు కొత్త విధానంలో ఎన్నో ఇబ్బందులు ఎదుర్కొంటున్నారని, పూర్తిస్థాయిలో సన్నద్ధం కాలేదని సెబికి రాసిన లేఖలో తెలిపింది.

కాగా, సెప్టెంబర్ 15వ తేదీ వరకు మార్జిన్ వసూళ్లు చేయకపోయినా లేదా తక్కువగా చేసినా ఎలాంటి అపరాధ రుసుము విధించబోమని ఎన్ఎస్ఈ ప్రకటించింది. నగదు, ఈక్విటీ, డెరివేటివ్ రెండు విభాగాల్లోనూ బ్రోకర్లు ఈ అపరాధ రుసుము చెల్లించాల్సిన అవసరం ఉండదు.