విశాఖ, విజయవాడపై కోట్లు కుమ్మరిస్తున్న ఏపి .. మెట్రో పరుగులకి గ్రీన్ సిగ్నల్..

ఆంధ్రప్రదేశ్లో గతకొంత కాలంగా చర్చలో ఉన్న మెట్రో రైలు ప్రాజెక్టుకి ఎట్టకేలకు గ్రీన్ సిగ్నల్ లభించింది. విశాఖపట్నం, విజయవాడలో మెట్రో రైలు ప్రాజెక్టుల తొలి దశకు ఆంధ్రప్రదేశ్ ప్రభుత్వం తాజాగా ఆమోదం తెలిపింది. ఈ ప్రాజెక్టుల అంచనా వ్యయం రూ.22,507 కోట్లు కాగా, విశాఖకు రూ.11,498 కోట్లు, విజయవాడకు రూ.11,009 కోట్లు కేటాయించారు.

విశాఖపట్నం ఫేజ్-1లో మూడు కారిడర్లు ఉంటాయి: స్టీల్ ప్లాంట్ జంక్షన్ నుండి కొమ్మాడి వరకు 34.40 కి.మీ, గురుద్వారా నుండి పాత పోస్టాఫీస్ వరకు 5.08 కి.మీ, తాటిచెట్లపాలెం నుండి చిన వాల్టెయిర్ వరకు 6.75 కి.మీ. ఈ మూడు కారిడార్లు మొత్తం 46.23 కి.మీ.తో 42 స్టేషన్లతో కలిపి ఉంటుంది. ఈ ప్రాజెక్టు కోసం 99.75 ఎకరాల భూమి అవసరం కాగా ఇందుకు రూ.882 కోట్లు ఖర్చు కానుంది.

ఇక ఫేజ్-2లో కొమ్మాది నుండి భోగాపురం వరకు నాల్గవ కారిడార్‌ను ప్రవేశపెట్టనున్నారు, ఇందుకు మెట్రో వ్యవస్థని 76.90 కి.మీ వరకు పొడిగించనుంది, దీని అంచనా వ్యయం రూ.14,309 కోట్లు. ఈ ప్రాజెక్ట్ పబ్లిక్-ప్రైవేట్ పార్టనర్‌షిప్ (PPP) మోడల్‌ను అనుసరిస్తుంది అంటే కేంద్రం నుండి 40 శాతం, ప్రైవేట్ డెవలపర్‌ల నుండి 60 శాతం ఫండ్స్ సమకూరుస్తాయి.

మరోవైపు విజయవాడ మెట్రో ప్రాజెక్ట్ ఫేజ్-1లో రెండు కారిడార్లు ఉంటాయి. గన్నవరం నుండి పండిట్ నెహ్రూ బస్ స్టేషన్ (PNBS) అలాగే PNBS నుండి పెనమలూరుకి మొత్తం 34 స్టేషన్లతో 38.40 కి.మీ కేటాయించారు. మొదటి దశ అంచనా వ్యయం రూ.11,009 కోట్లు, ఇందుకు భుసేకరణ కోసం రూ.1,152 కోట్లు కేటాయించారు.

ఫేజ్-IIలో అమరావతి రిజర్వాయర్ స్టేషన్‌ నుండి PNBS వరకు మూడవ కారిడార్‌పై దృష్టి పెట్టనున్నారు, అయితే ఇది ఫ్యూచర్ డెవలప్మెంట్ ప్రాజక్టు.ఈ రెండు ప్రాజెక్టులకు సంబంధించిన డిటైల్డ్ ప్రాజెక్ట్ రిపోర్టు (డీపీఆర్)ను రాష్ట్ర ప్రభుత్వం ఇప్పటికే ఆమోదించిందని, అనుమతుల కోసం కేంద్రానికి సమర్పించనుంది.

విశాఖపట్నం, విజయవాడలో మెట్రో రైలు వ్యవస్థను ప్రవేశపెట్టడం అర్బన్ మొబిలిటీని గొప్పగా పెంచుతుందని అంచనా వేసారు. ఈ మెట్రో వ్యవస్థ రోడ్డు రవాణాకు ప్రత్యామ్నాయం అందిస్తుంది ఇంకా ట్రాఫిక్ కష్టాలు ఇంకా రద్దీని తగ్గించడంలో సహాయపడుతుంది.

ఈ మెట్రో కారిడార్లు రెసిడెన్షియల్స్, కమర్షియల్ అండ్ ఇండస్ట్రియల్ ప్రాంతాలను కలుపుతు ప్రజలకు వారి ప్రయాణాలను సులభం చేస్తాయి. ఇంకా పర్సనల్ వాహనాల కంటే ప్రజా రవాణాను ప్రోత్సహించడం ద్వారా మెట్రో వ్యవస్థ ఈ రెండు నగరాల్లో కాలుష్య స్థాయిని తగ్గించగలదని భావిస్తున్నారు.