Ananth Ambani weds Radhika Merchant: ప్రీ వెడ్డింగ్ ఫంక్షన్‌లో తళుక్కుమన్న బిల్ గేట్స్.. గర్ల్ ఫ్రెండ్ చూశారా

Ananth Ambani weds Radhika Merchant: మైక్రోసాఫ్ట్ సహ వ్యవస్థాపకుడు బిల్ గేట్స్ తన స్నేహితురాలు పౌలా హర్ట్‌తో కలిసి ముఖేష్ అంబానీ కుమారుడు అనంత్ అంబానీ మరియు రాధిక మర్చంట్‌ల గ్రాండ్ ప్రీ వెడ్డింగ్ ఫంక్షన్‌కు హాజరయ్యారు.జామ్‌నగర్‌లో జరిగిన మూడు రోజుల కార్యక్రమంలో ముఖేష్ అంబానీ మరియు అతని కుమారుడు అనంత్ అంబానీతో కలిసి బిల్ గేట్స్ ఫోటో దిగారు.

తన చిన్న కుమారుడు ఆనంద్ అంబానీ వివాహానికి ముందు, ముఖేష్ అంబానీ జామ్‌నగర్‌లోని తన 200 ఎకరాల రిలయన్స్ గ్రీన్స్‌లో మూడు రోజుల వేడుకలను నిర్వహిస్తున్నారు. ఈ ఫెస్టివల్‌లో పలువురు ప్రపంచ ప్రఖ్యాత వ్యాపారవేత్తలు, సినీ ప్రముఖులు పాల్గొంటున్నారు.

ప్రీ వెడ్డింగ్ వేడుకలు మార్చి 1 నుంచి 3 వరకు జరగాల్సి ఉంది. మార్చి 1వ తేదీ రాత్రి జరిగిన ఈవెంట్‌ను యాన్ ఈవినింగ్ ఇన్ ఎవర్‌ల్యాండ్ అని పిలిచారు. ఇందులో గాయని రియానా, డ్రోన్ షో, సాంస్కృతిక ప్రదర్శన మొదలైనవి ఉన్నాయి.

తన స్నేహితురాలు పౌలా హర్ట్‌తో పాటు బిల్ గేట్స్ హాజరు కావడం ఈ వేడుకకు మరింత వన్నె తెచ్చింది.68 ఏళ్ల బిల్ గేట్స్ తన స్నేహితురాలు పౌలా హర్డ్‌తో తన సంబంధాన్ని బహిరంగంగా ప్రకటించనప్పటికీ, అంబానీ ఇంట్లో జరిగిన ఒక కార్యక్రమానికి హాజరవడంతో, ఇద్దరూ త్వరలో పెళ్లి చేసుకోవచ్చనే ఉహాగానాలను నిజం అయ్యేలా ఉన్నాయి.బిల్ గేట్స్ మరియు పౌలా హర్ట్ రెండేళ్లుగా డేటింగ్ లో ఉన్నట్లు సమాచారం. అంబానీ హౌస్ పార్టీకి పౌలా హర్ట్ సొగసైన కాక్‌టెయిల్ దుస్తులను ధరించింది.

పౌలా హర్ట్ మాజీ ఒరాకిల్ CEO మార్క్ హర్డ్ భార్య, ఆమె భర్త మరణం తర్వాత బిల్ గేట్స్‌తో ప్రేమలో పడింది. గతేడాది జనవరిలో ఆస్ట్రేలియన్ ఓపెన్ టెన్నిస్ టోర్నమెంట్ సందర్భంగా వీరిద్దరూ కలిసి కనిపించారు.ఇప్పుడు తొలిసారిగా బిల్ గేట్స్‌తో ఆమె రిలేషన్‌షిప్ గురించి చర్చలు వెలుగులోకి వచ్చాయి.ఇద్దరికీ టెన్నిస్ అంటే ఆసక్తి. అంతేకాదు ఈ క్రీడకు వారు అభిమానులు కూడా. మార్చి 2022లో ఇండియన్ వెల్స్ టెన్నిస్ టోర్నమెంట్ సెమీఫైనల్స్‌లో కలిసి కూర్చున్న ఫోటో కూడా వైరల్ అయ్యింది.

జూలై 2023లో, బిల్ గేట్స్ మరియు పౌలా హర్ట్ డైమండ్ రింగ్ ధరించి కనిపించిన తర్వాత నిశ్చితార్థం చేసుకున్నట్లు పుకార్లు వచ్చాయి. అయితే దీనిని బిల్ గేట్స్ అధికార ప్రతినిధి ఖండించారు. 2021 ఆగష్టులో మెలిండా-బిల్ గేట్స్ దంపతులు తమ దాంపత్య జీవితానికి విడాకులు తీసుకుని వేరయ్యారు. దీని తర్వాత, బిల్ గేట్స్ మరియు పౌలా హర్ట్ ఎప్పటికప్పుడు సన్నిహితంగా ఉన్న ఫోటోలు సోషల్ మీడియాలో చక్కర్లు కొడుతూ ట్రెండ్ అవుతున్నాయి.