Amul Milk: షాకిచ్చిన అమూల్.. పాల ధర పెంపు..

అమూల్ తమ వినియోగదారులకు షాకిచ్చింది. గుజరాత్‌లోని కొన్ని ప్రాంతాలలో తాజా పాల ధరను ఏప్రిల్ 1 నుంచి లీటరుకు రూ. 2 పెంచింది. ఈ పెంపు MRPలో 3-4 శాతం పెరిగింది. అహ్మదాబాద్, సౌరాష్ట్ర-కచ్ మార్కెట్‌లలో ఏప్రిల్ 1 నుంచి ప్రధాన వేరియంట్‌లలో ధరలు పెంచినట్లు ఆనంద్ ఆధారిత సహకార బ్రాండ్‌ను మార్కెట్ చేస్తున్న గుజరాత్ కోఆపరేటివ్ మిల్క్ మార్కెటింగ్ ఫెడరేషన్ లిమిటెడ్ (GCMMF) ఒక ప్రకటనలో తెలిపింది.

ఈ మార్కెట్లలో అమూల్ గోల్డ్ ధర రూ.32, అమూల్ తాజా రూ.26, అమూల్ శక్తి రూ.29గా 500ఎంఎల్ ప్యాక్‌లు ఉంటాయి. గత ఏడాది కంటే పశువుల దాణా ధర 13-14 శాతం పెరగడంతో ధరల పెంపుదల వచ్చిందని, ఫలితంగా రైతులకు మొత్తం పాల ఉత్పత్తి వ్యయం పెరిగిందని అమూల్ పేర్కొంది. ప్రస్తుతానికి గుజరాత్ లోనే పాల ధర పెంచిన.. తర్వాత ఇతర ప్రాంతాల్లో కూడా పాల ధర పెరిగే అవకాశం ఉంటుంది.