Amul: మరణించిన అమూల్ గర్ల్ క్రియేటర్ సిల్వెస్టర్ డాకున్హా.. 'అట్టర్లీ బటర్లీ'..

Amul: గుజరాత్ పాలరైతులు కూటమిగా ఏర్పడిన అమూల్ కంపెనీ దేశవ్యాప్తంగా తన వ్యాపార కార్యకలాపాలను నిర్వహిస్తోంది. అయితే ఈ కంపెనీ లోగో ఎవరు చూసినా ఇట్టే గుర్తుపట్టేస్తారు.

అయితే కంపెనీ దిగ్గజ 'అమూల్ గర్ల్' ప్రచారం వెనుక సృజనాత్మక మేధావి సిల్వెస్టర్ డకున్హా మంగళవారం రాత్రి ముంబైలో మరణించారు. ఆయన తీర్చిదిద్దిన కార్టూన్ కంపెనీకి మంచి ప్రాచుర్యాన్ని తెచ్చిపెట్టింది. డకున్హా మృతి పట్ల అమూల్ మాజీ ఎండీ మరియు ప్రస్తుత ఇండియన్ డెయిరీ అసోసియేషన్ ప్రెసిడెంట్ ఆర్ఎస్ సోధి డాకున్హా సంతాపం తెలుపారు. ఈ క్రమంలో అమూల్ గర్ల్ ఏడుస్తున్నట్లు చిత్రాన్ని ట్వీట్ చేశారు.

కాంగ్రెస్ సీనియర్ నేత జైరాం రమేష్, తృణమూల్ కాంగ్రెస్ ఎంపీ డెరెక్ ఓబ్రెయిన్ అడ్వర్టైజింగ్ లెజెండ్‌ ప్రతిభను గుర్తుచేసుకున్నారు. సిల్వెస్టర్ డాకున్హా అతని భార్య నిషాతో కలిసి 1966లో అమూల్ కోసం ప్రసిద్ధ 'అట్టర్లీ బటర్లీ' ప్రచారాన్ని రూపొందించారు. ఇది ప్రపంచ వ్యాప్తంగా మనోహరమైన 'అమూల్ గర్ల్'గా ప్రసిద్ధి చెందింది. దీనికి ముందు కంపెనీ ట్యాగ్ లైన్ 'ప్యూర్లీ ది బెస్ట్,గా ఉండేది. అమూల్ అమ్మాయి గర్ల్ ప్రకటనల్లో అంతర్భాగంగా మారింది.