Budget News: మోదీ ముందు బడ్జెట్ సంకటం.. కుంభమేళ తొక్కిసలాట, వక్ఫ్ బిల్లుపై టార్గెట్ చేయనున్న విపక్షాలు

Modi News: నేటి నుంచి దేశంలో బడ్జెట్ సమావేశాలు ప్రారంభం కానున్నాయి. ముందుగా రాష్ట్రపతి ద్రౌపది ముర్ము నేడు ప్రభుత్వం గడచిన కాలంలో చేపట్టిన పనులు, సాధించిన విజయాలకు సంబంధించిన ఎకనామిక్ సర్వే రిపోర్టును ఆమె దేశ ప్రజలకు వినిపించనున్నారు. అయితే ప్రస్తుతం విపక్షాలు మోదీ ప్రభుత్వాన్ని వివిధ అంశాలపై టార్గెట్ చేస్తున్నట్లు తెలుస్తోంది.

ప్రపంచ వ్యాప్తంగా జరుగుతున్న అతిపెద్ద ఆధ్యాత్మిక కార్యక్రమాల్లో ఒకటిగా ఉన్న మహాకుంభమేళ కార్యక్రమంలో రెండు రోజుల కిందట పెద్ద ప్రమాదం చోటుచేసుకుంది. అక్కడ జరిగిన తొక్కిసలాటలో 30 మంది భక్తులు ప్రాణాలు కోల్పోవటం దేశవ్యాప్తంగా పెద్ద చర్చకు దారితీసింది. ఈ విషయంపై చర్చించాలని ప్రతిపక్ష పార్టీలు డిమాండ్ చేయడంతో ఈ రోజు పార్లమెంటు బడ్జెట్ సమావేశాలు తుఫానుగా ప్రారంభమయ్యే అవకాశం ఉందని తెలుస్తోంది. రాష్ట్రపతి ప్రసంగం అనంతరం ఆర్థిక మంత్రి నిర్మలా సీతారామన్‌ ఆర్థిక సర్వేను లోక్‌సభ, రాజ్యసభల్లో విడివిడిగా ప్రవేశపెట్టనున్న క్రమంలో గందరగోళం ఏర్పడే అవకాశం ఉందని తెలుస్తోంది.

దీనికి తోడు వక్ఫ్ బోర్డు రద్దు బిల్లుపై కూడా ప్రతిపక్షాలు తమ నిరసనను ప్రకటించే అవకాశం ఉందని తెలుస్తోంది. సీతారామన్‌ వరుసగా ఎనిమిదోసారి శనివారం కేంద్ర బడ్జెట్‌ను ప్రవేశపెట్టనున్నారు. బడ్జెట్ ప్రతిపాదనలను పరిశీలించడానికి విరామానికి ముందు బడ్జెట్ సెషన్ జనవరి 31 నుండి ఫిబ్రవరి 13 వరకు నిర్వహించబడుతుంది. దీని తర్వాత మార్చి 10న సమావేశాలు తిరిగి ఏప్రిల్ 4 వరకు కొనసాగనున్నాయని తెలుస్తోంది.

రక్షణ మంత్రి రాజ్‌నాథ్ సింగ్ అధ్యక్షతన జరిగిన అఖిలపక్ష సమావేశంలో ప్రభుత్వం పార్లమెంటరీ కమిటీలను రాజకీయం చేస్తోందని, అధికార పార్టీకి ఉన్న మెజారిటీని ఉపయోగించి తన ఎజెండాను ముందుకు తీసుకెళ్లడానికి ప్రయత్నిస్తోందని ప్రతిపక్ష పార్టీలు ఆరోపించాయి. అలాగే యూపీలో బీజేపీ నేతృత్వంలోని ప్రభుత్వం మహాకుంభ్ సభను రాజకీయం చేస్తోందని, అక్కడ వీఐపీ సంస్కృతిని ప్రోత్సహించటం సామాన్యుల ప్రాణాలు పోతున్నాయని ఆరోపించింది.

పార్లమెంటరీ వ్యవహారాల మంత్రి కిరణ్ రిజిజు ఈ సమావేశంలో 16 శాసనసభ వ్యవహారాల అంశాలు, మూడు ఆర్థిక వ్యవహారాల అంశాలను పరిగణనలోకి తీసుకోవాలని తాత్కాలికంగా గుర్తించామన్నారు. నియమాల సభల్లో ఏదైనా ఇతర ముఖ్యమైన అంశంపై చర్చించడానికి ప్రభుత్వం సిద్ధంగా ఉందని రిజిజు అన్నారు.