Layoffs News: UKG నుంచి వేలాది ఉద్యోగులు ఔట్.. దాదాపు 15% సిబ్బందిపై ప్రభావం

UKG Layoffs: లేఆఫ్స్ విషయంలో ఇప్పుడిప్పుడే కంపెనీల వైఖరి మారుతుంది అనుకుంటున్న తరుణంలో కొత్తగా మరో టెక్ కంపెనీ ఉద్యోగుల తొలగింపు చేపట్టింది. ఒకేసారి వేలాది మందిని ఇంటికి పంపేందుకు ప్లాన్ సిద్ధం చేసింది. వీరిలో సింహభాగం అమెరికన్ సిబ్బంది ఉన్నట్లు తెలుస్తోంది. దీంతో పలువురు ఉద్యోగుల్లో ఆందోళన నెలకొంది.

ప్రముఖ టెక్ సంస్థ UKG తన ఉద్యోగులకు లేఆఫ్స్ ప్రకటించింది. మొత్తం శ్రామిక శక్తిలో సుమారు 2 వేల 200 మందిని తగ్గించేందుకు రెడీ అయింది. అంటే 14 శాతం తగ్గింపు ఉంటుందని CEO క్రిస్ టాడ్ ఇమెయిల్‌లో పేర్కొన్నట్లు సమాచారం. అమెరికా మసాచుసెట్స్‌లోని అతిపెద్ద సాఫ్ట్‌వేర్ డెవలపర్‌లలో ఒకటిగా UKG కొనసాగుతోంది. గత నెల నాటికి మొత్తం 15 వేల 882 మందికి ఈ సంస్థ ఉపాధి కల్పించింది.

కంపెనీకి చెందిన పలువురు ఉద్యోగులు ఈ తొలగింపుల గురించి సోషల్ మీడియా ప్లాట్‌ఫారమ్ లింక్డ్‌ఇన్‌లో పోస్ట్ చేశారు. 'UKGలోని మా సహోద్యోగులు చాలా మంది ఇటీవల ఊహించని తొలగింపులతో ఇబ్బందులు ఎదుర్కొంటున్నారు. లేఆఫ్స్ బాధితులందరికీ ఇది సవాళ్లతో కూడిన సమయం. ఒకరికొకరు మద్దతు ఇచ్చుకునేందుకు మేము కలిసి రావడం ఇప్పుడు చాలా కీలకం' అని సీనియర్ ప్రాజెక్ట్ మేనేజర్ తన పోస్ట్‌లో పేర్కొన్నారు.

ప్రచురణ యొక్క విచారణలకు ప్రతిస్పందనగా, ఒక కంపెనీ ప్రతినిధి UKG
'UKG సంస్థాగత మార్పులను అమలు చేస్తోంది. కంపెనీ వృద్ధికి సంబంధించిన కీలక రంగాలపై దూకుడుగా దృష్టి సారించింది. వాటిలో పెట్టడానికి మరియు మా దీర్ఘకాలిక వ్యూహానికి మద్దతునిచ్చేలా కొన్ని చర్యలు తీసుకోవాల్సిన అవసరం ఏర్పడింది' కంపెనీ ప్రతినిధి వివరించారు. ఈ మార్పులు తమ వనరులను దారిమళ్లించడానికి, కస్టమర్లకు మెరుగైన ఉత్పత్తులను అందించేందుకు కీలక రంగాల్లో పెట్టుబడులు పెట్టేందుకు అనుమతిస్తాయన్నారు.