CBN Stocks: చంద్రబాబు గెలుపుతో ఈ స్టాక్స్ సంచలనం.. 20 శాతం పెరుగుదల.. ఉన్నాయా?

TDP Related Stocks: TDP అధినేత చంద్రబాబు నాయుడు ఏపీలో సునామీ విజయం కొన్ని కంపెనీల షేర్లు పదునైన ర్యాలీ చేశాయి. ఎన్నికల్లో ప్రాంతీయ పార్టీ అఖండ విజయం, నేషనల్ డెమోక్రటీస్ అలయన్స్(NDA)కి మద్దతు ఇవ్వటంతో స్టాక్ మార్కెట్లు ఒక్కసారిగా లాభాల్లోకి చేరుకున్నాయి.

ఈ క్రమంలో హెరిటేజ్ ఫుడ్స్, అమర రాజా ఎనర్జీ & మొబిలిటీ వంటి తెలుగుదేశం పార్టీ సంబంధిత సంస్థల షేర్లు జూన్ 5న 20 శాతం మేర పెరిగాయి. నరేంద్ర మోడీ మూడవసారి అధికారంలోకి వచ్చారు. కానీ బీజేపీ తన సంకీర్ణంలోని ఇతర పార్టీల మద్దతుపై ఆధారపడుతోంది. అమర రాజా ఎనర్జీ మేనేజింగ్ డైరెక్టర్ గల్లా జయదేవ్ మాజీ టీడీపీ పార్లమెంటరీ పార్టీ నాయకుడు. రెండుసార్లు ఎంపీగా ఎన్నికైన అమరరాజా గ్రూపు అధినేత ఈ ఏడాది లోక్‌సభ ఎన్నికల్లో పోటీ చేయకూడదని నిర్ణయించుకున్నారు.

టీడీపీకి సంబంధించిన మరో సంస్థ హెరిటేజ్ ఫుడ్స్. భారీ వాల్యూమ్‌ల నేపథ్యంలో ఎన్‌ఎస్‌ఈలో దాదాపు 20 శాతం పెరిగి రికార్డు స్థాయిలో రూ.544ను తాకింది. హెరిటేజ్ గ్రూప్‌ను 1992లో టీడీపీ అధినేత చంద్రబాబు నాయుడు స్థాపించారు. డెయిరీ, రిటైల్, అగ్రి అనే మూడు వ్యాపార విభాగాలతో దాని ఫ్లాగ్‌షిప్ కంపెనీ హెరిటేజ్ ఫుడ్స్ కింద దీనిని స్థాపించారు. హెరిటేజ్ న్యూట్రివెట్ లిమిటెడ్ ద్వారా పశువుల దాణా వ్యాపారంలో ఉనికిని కలిగి ఉంది.

హెరిటేజ్ ఫుడ్స్ పాలు, పాల ఉత్పత్తులు, పెరుగు, నెయ్యి, పనీర్, ఫ్లేవర్డ్ మిల్క్ వంటి వాటిని భారతదేశంలోని 11 రాష్ట్రాల్లో విక్రయిస్తున్నారు. గత మూడు ట్రేడింగ్ సెషన్లలో హెరిటేజ్ ఫుడ్స్ షేరు ధర దాదాపు 38 శాతం పెరిగింది. చంద్రబాబు నాయుడు నాల్గవసారి ఆంధ్రప్రదేశ్ ముఖ్యమంత్రి అయ్యాయి. ఈ సంవత్సరం ఇప్పటివరకు స్టాక్ దాదాపు 80 శాతం స్టెల్లార్ ర్యాలీని చూసింది. బెంచ్‌మార్క్ నిఫ్టీ 3 శాతం రాబడిని భారీ మార్జిన్‌తో అధిగమించింది.