Akash Ambani: ఆకాష్ అంబానీ సరికొత్త రికార్డ్.. 'Time100 Next' జాబితాలో.. ఒకే ఒక్క భారతీయుడు..

Akash Ambani: ఇప్పటి వరకు ప్రతి రంగంలోనూ అంబానీ దూకుడు చూస్తూనే ఉన్నాం. అయితే కొత్తగా పగ్గాలు చేపట్టిన కుమారుడు ఆకాష్ అంబానీ రికార్డుల మోత మోగించటం ప్రారంభించారు. ప్రపంచ ప్రఖ్యాత టైమ్ మ్యాగజైన్ 'Time100 Next' జాబితాలో నిలిచారు. ప్రస్తుతం రిలయన్స్ జియో ఛైర్మన్ గా ఉన్న ఆకాష్ అంబానీ.. చోటు దక్కించుకున్న ఏకైక భారతీయుడు కావటం విశేషం.

వ్యాపారదక్షతపై టైమ్స్..

లిస్ట్‌లో చోటు దక్కించుకున్న ఆకాష్ అంబానీ లీడర్స్ కేటగిరీలో ఎంపికయ్యారు. ఆకాష్ అంబానీ గురించి టైమ్ మ్యాగజైన్.. అతను వ్యాపారాన్ని పెంచటానికి చాలా కష్టపడుతున్నాడు. గూగుల్, ఫేస్‌బుక్‌తో బిలియన్ డాలర్ల పెట్టుబడి ఒప్పందాలను పూర్తి చేయడంలో అతను కీలక పాత్ర పోషించాడు. అంటూ వ్యాఖ్యానించింది.

22 ఏళ్ల వయస్సులోనే..

ప్రపంచంలోని వర్ధమాన స్టార్ ఆకాష్ అంబానీ తన 22 ఏళ్ల వయస్సులోనే జియో బోర్డులో చోటు సంపాదించినట్లు టైమ్ మ్యాగజైన్ అభిప్రాయపడింది. ఈ ఏడాది జూన్‌లో భారతదేశపు అతిపెద్ద టెలికాం కంపెనీగా ఆవిర్భవించిన జియో సంస్థ కమాండ్ అతనికి ఇవ్వబడింది. 42 కోట్ల 60 లక్షల మంది కస్టమర్లను కలిగి ఉన్న రిలయన్స్ జియో నిర్వహణ బాధ్యత ఇప్పుడు చైర్మన్ ఆకాష్ అంబానీ భుజస్కంధాలపై ఉంది.

Jio 5G..

రిలయన్స్ జియో 5G రోల్ అవుట్ ఆకాష్ అంబానీ పర్యవేక్షణలో జరగడం గమనార్హం. దీపావళి నాటికి ఢిల్లీ, ముంబైతో పాటు దేశంలోని మరికొన్ని మెట్రో నగరాల్లో 5G సేవలను ప్రారంభించాలని కంపెనీ యోచిస్తోంది. భారతీయ టెలికాం పరిశ్రమలో 700 MHz స్పెక్ట్రమ్ బ్యాండ్‌ను కొనుగోలు చేసిన ఏకైక సంస్థ Jio. స్టాండ్-అలోన్ 5G నెట్‌వర్క్ అంటే ట్రూ 5G అమలు చేయగల స్పెక్ట్రమ్ బ్యాండ్ ఇదేనని క్లెయిమ్ చేయబడుతోంది.

ప్రతి సంవత్సరం జాబితా..

టైమ్ మ్యాగజైన్ ప్రతి సంవత్సరం 'Time100 Next' జాబితాను ప్రచురిస్తుంది. ఈ లిస్ట్‌లో ప్రపంచంలోని అనేక ఇండస్ట్రీలకు చెందిన 100 మంది వర్ధమాన స్టార్స్ కు చోటు దక్కుతుంది. 2022కి సంబంధించిన TIME100 జాబితాలో సంగీత విద్వాంసులు అలాగే వృత్తిపరమైన వైద్యులు, ప్రభుత్వ అధికారులు, ఆందోళనకారులు, ఉన్నత స్థాయి విజిల్ బ్లోయర్‌లు, కంపెనీల CEOలు ఉన్నారు.