ఎయిరిండియా అలయన్స్ ఎయిర్ సమ్మర్ బొనాంజా ..ఆ రూట్లలో టికెట్ రూ. 999మాత్రమే

అలయన్స్ ఎయిర్ మూడు రోజుల సమ్మర్ బొనాంజా

మూడు రోజులపాటు ఈ ఆఫర్ ను అందిస్తున్న అలయన్స్ ఎయిర్ మార్చి 13 నుండి అంటే నేటి నుండి మార్చి 15వ తేదీ వరకు ప్రయాణాలు చేయదలచుకున్న వారికి బుకింగ్ సౌకర్యాన్ని కల్పిస్తోంది. ఈ బుకింగ్ ద్వారా ప్రయాణికులు ఏప్రిల్ ఒకటవ తేదీ నుండి 2021 సెప్టెంబర్ 30వ తేదీ మధ్య తమ ప్రయాణం చేయదలచిన ప్రదేశాలకు ప్రయాణించేలా అవకాశం కల్పిస్తుంది. టికెట్లు ఎవరు ముందుగా బుక్ చేసుకుంటారో వారికే సీట్లు ఉన్నంత వరకు మాత్రమే ఈ ఆఫర్ ను అందిస్తోంది అలయన్స్ ఎయిర్.

వేసవి కాలంలో అద్భుతమైన ఆఫర్లతో అలయన్స్ ఎయిర్

ఢిల్లీ నుండి జైపూర్ కు లేదా ప్రయాగ్ రాజ్ కు, అహ్మదాబాద్ నుండి కాండ్లా కు , బెంగళూరు నుండి కొచ్చి లేదా కోజికోడ్ కు, హైదరాబాద్ నుండి బెలగాం కు పలు నగరాలకు ఈ సేవలు అందుబాటులో ఉంటాయని అలయన్స్ ఎయిర్ ప్రకటించింది. ఇక ప్రయాణం తేదీలను మార్చుకోవడానికి ఒక వారం ముందు వరకూ అవకాశాన్ని కూడా కల్పిస్తూ ఎయిర్ లైన్స్ ఒక ప్రకటన చేసింది . మొన్నటి వరకు కరోనా కారణంగా ప్రయాణాలు చేయాలంటే భయపడిపోయిన పర్యాటకులు అలయన్స్ ఎయిర్ అందిస్తున్న అద్భుతమైన అవకాశాన్ని వినియోగించుకొని సమ్మర్ బొనాంజా ఆఫర్లతో చూడాలనుకున్న ప్రాంతాలను ఎంచక్కా చూసేయండి. ఈ సమ్మర్ ను అలయన్స్ ఎయిర్ ఇచ్చే అద్భుతమైన ఆఫర్లతో ఎంజాయ్ చేయండి.

దేశంలో 43 గమ్య స్థానాలకు , మెట్రో నగరాలకు విమాన సర్వీసులు అందిస్తున్న అలయన్స్ ఎయిర్

అలయన్స్ ఎయిర్ దేశంలోని 43 గమ్యస్థానాలకు విమాన సేవలను నిర్వహిస్తుంది.

విమానాలు ఎక్కువగా టైర్ -2 మరియు టైర్ -3 నగరాలకు లేదా చిన్న నగరాలను మెట్రో హబ్‌లతో అనుసంధానించే వాటికి నడుస్తాయి. అలయన్స్ ఎయిర్ భారతదేశంలోని 43 గమ్యస్థానాలకు ఆగ్రా, అహ్మదాబాద్, అలహాబాద్, బెంగళూరు, బెలగావి, భావ్‌నగర్, భువనేశ్వర్, భుజ్, బికనీర్, కోయంబత్తూర్, చండీగడ్ , ఢిల్లీ , డెహ్రాడూన్, దిమాపూర్, డయ్యు , ధర్మశాల, గోవా, గోరఖ్పూర్, గౌహతి, గుల్బర్గా (కలబురగి), హైదరాబాద్, ఇంఫాల్, జబల్పూర్, జగదల్పూర్, జైపూర్, ఖౌలగు, ఖార్లగు , లుధియానా, మదురై, ముంబై, మైసూరు, నాసిక్, పంత్‌నగర్, పాసిఘాట్, పఠాన్‌కోట్, పూణే, రాయ్‌పూర్, తేజ్‌పూర్ లను కనెక్ట్ చేస్తూ విమాన సేవలను అందిస్తుంది .