జానీవాకర్ నుండి బ్లూ లేబుల్ వరకు, పాకిస్తాన్‌లో మద్యం ధర ఎంతంటే ?

మన భారతదేశంలో సుమారు 16 కోట్ల మంది మద్యం తాగుతుండగా, పాకిస్తాన్‌లో మద్యం తాగే వారి సంఖ్య మాత్రం చాలా తక్కువ. అయితే ఇంగ్లీష్ బ్రాండెడ్ మద్యం జానీ వాకర్‌ బ్లాక్ లేబుల్ ధర ఇండియాతో పోల్చితే పాకిస్థాన్లో ఎంత ఉంటుందో మాకు తెలుసా...

భారతదేశం అలాగే పాకిస్తాన్ నేడు రెండు వేర్వేరు దేశాలు, అలాగే ఈ ఇరు దేశాల సామాజిక, సాంస్కృతిక వ్యవస్థలు ఒకదానికొకటి పూర్తిగా వేరేలా ఉంటాయి. భరత్ నిరంతరం అభివృద్ధి పథంలో ముందుకు సాగుతుండగా, పాకిస్తాన్ మతపరమైన నియమాలు, సంప్రదాయాలలో చిక్కుకుంది. అలాగే అక్కడ మద్యం అమ్మకాలు, వినియోగం విషయంలో కూడా ఇదే పరిస్థితి కనిపిస్తుంది.

పాకిస్తాన్‌లో మద్యానికి సంబంధించి చాలా కఠినమైన నియమాలు ఉన్నాయి, ఇవి ఆ దేశ మతపరమైన, సాంస్కృతిక నమ్మకాల పై ఆధారపడి ఉంటాయి. ఇండియాలో 16 కోట్ల మంది మద్యం తాగుతారని అంచనా ఉండగా, అదే పాకిస్తాన్‌లో మాత్రం మద్యం తాగే వారి సంఖ్య చాలా తక్కువ. అయితే మన దేశంలోలాగే పాకిస్థాన్లో వైన్స్, లిక్కర్ మార్ట్లు, మద్యం అమ్మకాలతో సహా అక్కడ ఒక బ్రాండెడ్ ఆల్కహాల్ బాటిల్ ధర ఎంత ఉంటుందో అని ఎప్పుడైనా అలోచించారా...

Take a Poll

పాకిస్తాన్‌లో మద్యం కొనడానికి రూల్స్ : పాకిస్తాన్‌లో మద్యం అమ్మకం, వినియోగం ఖచ్చితంగా నిషేధం. 1979లో జనరల్ జియా-ఉల్-హక్ ఇస్లామిక్ పాలనలో మద్యపాన నిషేధం మరింత కఠినతరం చేసింది. ఇస్లామిక్ చట్టాలను అనుసరించి ముస్లింలకు మద్యం సేవించడం పూర్తిగా చట్టవిరుద్ధం. పాకిస్తాన్‌కు వచ్చే విదేశీయులు కూడా విమానాశ్రయంలోని డ్యూటీ ఫ్రీ షాపుల నుండి మద్యం కొనలేరు.

అయితే, కొన్ని పరిస్థితులలో ముస్లిమేతర పౌరులు మద్యం కొనుగోలు చేయడానికి అనుమతి ఉంది. ముఖ్యంగా సింధ్ ప్రావిన్స్‌లో హిందువులు, క్రైస్తవులు ఇంకా ఇతర ముస్లిమేతర వర్గాలకు మద్యం కొనుగోలు చేయడానికి అనుమతి ఉంది. కానీ ఈ మినహాయింపు కూడా కఠినంగా ఉంటుంది. ఇంకా ప్రభుత్వం లైసెన్స్ పొందిన షాపుల నుండి మాత్రమే మద్యం కొనుగోలు చేయవచ్చు.

ధరలు ఇంకా బ్లాక్ మార్కెట్: నివేదికల ప్రకారం, పాకిస్తాన్‌లో మద్యం ధరలు చాలా ఎక్కువగా ఉంటాయి. పాకిస్తాన్‌లో వోడ్కా ధర 726 భారతీయ రూపాయలు. అంటే పాకిస్థాన్ కరెన్సీ ప్రకారం రూ.2,403.51.

పాకిస్తాన్‌లో మద్యం ధర ఎక్కువగా ఉండటానికి ఒక కారణం అక్కడ మద్యం అనేది చట్టవిరుద్ధం. చట్టబద్ధంగా మద్యం లభ్యత పరిమితం, కానీ అక్రమ మార్కెట్‌లో విచ్చలవిడిగా అమ్ముడవుతోంది. చట్టబద్ధంగా మద్యం కొనుగోలు చేయలేని వ్యక్తులు బ్లాక్ మార్కెట్ నుండి ఎక్కువ ధరలకు కొనుగోలు చేస్తుంటారు. పాకిస్తాన్‌లో మద్యం ధరలు చుస్తే జానీ వాకర్ రూ.7,494, మకాల్లన్(30 years) రూ.8,69,176, బ్లూ లేబుల్ రూ.10,000 నుండి రూ.15,000, చివాస్ రీగల్ రూ.16,653, 8PM రూ.906.