Adani News: అదానీ గ్రూప్ నుంచి కొత్త ఐపీవో.. ఇన్వెస్టర్స్ గెట్ రెడీ.. పూర్తి వివరాలివే..

Adani Airports IPO: ప్రస్తుతం దేశంలో కొనసాగుతున్న ఐపీవో రష్ సమయంలో పెద్ద వ్యాపార సంస్థలు సైతం తమ కంపెనీలను లిస్టింగ్ చేసేందుకు ప్రణాళికలు వేస్తున్నాయి. ఇన్వెస్టర్లు సైతం డబ్బు రెడీ చేసుకుంటూ తమ అదృష్టాన్ని పరీక్షించుకునేందుకు ఎదురుచూస్తున్నారు.

అయితే దేశంలోని చాలా మంది పెట్టుబడిదారులకు అదానీ గ్రూప్ అంటే చాలా ఇష్టం. అదానీ లిస్టెడ్ కంపెనీల్లో షేర్లను హోల్డ్ చేస్తూ చాలా మంది ఇప్పటికే ధనవంతులుగా మారారు. ఈ క్రమంలో గౌతమ్ అదానీకి చెందిన మరో కంపెనీని పబ్లిక్ లిస్టింగ్ చేసేందుకు సన్నాహాలు జరుగుతున్నాయని తెలుస్తోంది. వివరాల్లోకి వెళితే అదానీ గ్రూప్ ఫ్లాట్ షిప్ కంపెనీ అదానీ ఎంటర్‌ప్రైజెస్ తన ఎయిర్‌పోర్ట్ వ్యాపారాన్ని 2027-28 ఆర్థిక సంవత్సరానికి ఐపీవోగా తీసుకొచ్చే అవకాశం ఉందని నివేదికలు చెబుతున్నాయి.

ప్రస్తుత ఆర్థిక సంవత్సరంలో గౌతమ్ అదానీ నేతృత్వంలోని గ్రూప్ ఈక్విటీల ద్వారా 2-3 బిలియన్ డాలర్ల నిధులను సమీకరించాలని ప్లాన్ చేస్తున్నట్లు తెలుస్తోంది. 1994లో ఫ్లాగ్‌షిప్ కంపెనీ పబ్లిక్‌గా మారినప్పటి నుంచి పోర్ట్స్-టు-ఎనర్జీ వరుక వ్యాపారాలను కలిగి ఉన్న అదానీ మాతృ సంస్థ ఆరు ఇతర స్వతంత్ర వ్యాపారాలను పొదిగించటంతో పాటు వాటిని స్టాక్ మార్కెట్లలో విజయవంతంగా లిస్టింగ్ చేసింది. ప్రస్తుతం ఈ కంపెనీల సంయుక్త మార్కెట్ క్యాప్ దాదాపు 10 బిలియన్ డాలర్లకు పైగా చేరుకున్నాయి.

త్వరలో ఐపీవోగా అదానీ గ్రూప్ తీసుకురావాలనుకుంటున్న అదానీ ఎంటర్‌ప్రైజెస్ భారతదేశంలో 8 విమానాశ్రయాలను నిర్వహిస్తోంది. అయితే నవీ ముంబై అంతర్జాతీయ విమానాశ్రయం సంవత్సరం చివరి నాటికి పూర్తయ్యే అవకాశం ఉంది. పోర్ట్స్ నుంచి ఎనర్జీ, ఎయిర్ పోర్ట్స్, కమోడిటీలు, సిమెంట్, మీడియా వరకు ఉన్న పోర్ట్‌ఫోలియో కంపెనీల పెట్టుబడిలో 70 శాతం అంతర్గత నగదు ఉత్పత్తి ద్వారా, మిగిలిన మొత్తాన్ని రుణ సాధనాల ద్వారా తీర్చవచ్చని అదానీ గ్రూప్ CFO జుగేషీందర్ 'రాబీ' సింగ్ తెలిపారు. అలాగే అదానీ గ్రూప్ తన పోర్ట్‌ఫోలియో కంపెనీల్లో ఎఫ్‌వై 25లో సుమారు రూ.1.3 లక్షల కోట్లను పెట్టుబడి రూపంలో పెట్టాలని చూస్తోంది.