Adani Media: ఇక అన్నీ అదానీ వార్తలే.. ఆ మీడియా కంపెనీ వాటాలు కొన్న గౌతమ్ అదానీ..

IANS News: ఇప్పటి వరకు అనేక రంగాల్లో వ్యాపారాలను నిర్వహిస్తున్న గౌతమ్ అదానీ తాజాగా మీడియా రంగంపై తన పట్టు క్రమంగా పెంచుకుంటున్నారు. గతంలో ఎన్డీటీవీ, క్వింట్ వంటి సంస్థల్లో అదానీ పెట్టుబడులు పెట్టిన సంగతి తెలిసిందే.

తాజా అదానీ ఎంటర్‌ప్రైజెస్ సంస్థ బుధవారం మీడియా ఏజెన్సీ IANS ఇండియాలో తన వాటాలను పెంచుకుంది. ఈ క్రమంలో రూ.5 కోట్లు విలువైన తాజా ఈక్విటీ షేర్లను కొనుగోలు చేసినట్లు అదానీ గ్రూప్ ప్రకటించింది. బిలియనీర్ ఫ్లాగ్‌షిప్ సంస్థ అదానీ ఎంటర్‌ప్రైజెస్ అనుబంధ సంస్థ AMG మీడియా నెట్‌వర్క్స్, ఓటింగ్ హక్కులతో IANS షేర్ల యాజమాన్యాన్ని 76%కి పెంచుకుంది.

అదానీ ఎంటర్‌ప్రైజెస్ రెగ్యులేటరీ ఫైలింగ్‌ ప్రకారం.. AMG మీడియా నెట్‌వర్క్స్ లిమిటెడ్, కంపెనీ పూర్తి యాజమాన్యంలోని అనుబంధ సంస్థ IANS ఇండియా ప్రైవేట్ లిమిటెడ్‌లో IANS జారీ చేసిన తాజా షేర్‌లకు సభ్యత్వాన్ని పొందడం ద్వారా తన వాటాను పెంచుకున్నట్లు వెల్లడించింది. జనవరి 16, 2024న జరిగిన సమావేశంలో పై షేర్ల కేటాయింపును IANS బోర్డు ఆమోదించింది.

డిసెంబర్ 2023లో అదానీ గ్రూప్ న్యూస్‌వైర్ ఏజెన్సీ IANS ఇండియా ప్రైవేట్ లిమిటెడ్‌లో 50.5% వాటాను రూ.5.1 లక్షలకు కొనుగోలు చేసిన సంగతి తెలిసిందే. IANS కొనుగోలు అనేది అదానీ గ్రూప్ తాజా మీడియా వెంచర్. ఇది డిసెంబర్ 2022లో న్యూస్ బ్రాడ్‌కాస్టర్ NDTVలో 65% వాటాను, ఆ తర్వాత క్వింటిలియన్ బిజినెస్ మీడియాలో పెట్టుబడులు పెట్టింది.