Adani Digital Labs: ట్రైన్‌మ్యాన్‌ను సొంతం చేసుకున్న అదానీ గ్రూప్..

అదానీ ఎంటర్‌ప్రైజెస్ లిమిటెడ్ (AEL) యాజమాన్యంలోని అనుబంధ సంస్థ అయిన అదానీ డిజిటల్ ల్యాబ్స్ ఆన్‌లైన్ రైలు బుకింగ్, సమాచార ప్లాట్‌ఫారమ్ అయిన ట్రైన్‌మ్యాన్‌ను కొనుగోలు చేయడానికి అంగీకరించింది. రెగ్యులేటరీ ఫైలింగ్ లో ఈ విషయం తెలిపింది. దానీ ఎంటర్‌ప్రైజెస్ లిమిటెడ్ అనుబంధ సంస్థ అదానీ డిజిటల్ ల్యాబ్స్ ప్రైవేట్ లిమిటెడ్ ట్రైన్‌మ్యాన్ కొనుగోలు చేసింది. ఈ కంపెనీలో 100 శాతం వాటాను ప్రతిపాదిత కొనుగోలుకు సంబంధించి వాటా కొనుగోలు ఒప్పందంపై సంతకం చేసింది అదానీ డిజిటల్ ల్యాబ్స్ ప్రైవేట్ లిమిటెడ్.

ట్రైన్‌మ్యాన్‌ ఆన్‌లైన్ రైలు బుకింగ్, సమాచార వేదికగా ఉంది.అయితే ఈ డీల్ కు సంబంధించి ఆర్థిక నిబంధనలను కంపెనీ వెల్లడించలేదు.IIT-రూర్కీ గ్రాడ్యుయేట్లు వినీత్ చిరానియా, కరణ్ కుమార్‌ గురుగ్రామ్ లో SEPL IRCTC-అధీకృత రైలు టిక్కెట్ బుకింగ్ స్టార్ట్-అప్ ట్రైన్‌మ్యాన్‌ను ప్రారంభించారు. ఇది ఆన్‌లైన్‌లో రైలు టిక్కెట్‌లను బుక్ చేసుకోవడానికి వన్-స్టాప్ పరిష్కారాన్ని అందించే ఆల్-ఇన్-వన్ రైలు టిక్కెట్ బుకింగ్ ప్లాట్‌ఫారమ్ గా మంచి పేరు తెచ్చుకుంది.

ఈ సంస్థ రైళ్లలో సీట్ల అందుబాటు, పీఎన్‌ఆర్‌ స్టేటస్‌, లైవ్‌ స్టేటస్‌ వంటి సమాచారాన్ని ఎప్పటికప్పుడు అప్ డేట్ చేస్తుంటుంది. కంపెనీ ఈ మధ్యే అమెరికాకు చెందిన పెట్టుబడిదారులు గుడ్‌వాటర్ క్యాపిటల్, హేమ్ ఏంజెల్స్ ఇతరులతో సహా $1 మిలియన్‌ను నిధులు సేకరించింది. US-ఆధారిత షార్ట్ సెల్లర్ హిండెన్‌బర్గ్ జనవరిలో అదానీ గ్రూప్‌కు సంబంధించి కొన్ని అంశాలను లేవనెత్తింది.

షెల్ సంస్థల ద్వారా అదానీ గ్రూప్ స్టాక్ మానిప్యులేషన్, మోసానికి పాల్పడిందని ఇది ఆరోపించింది. దీంతో అదానీ గ్రూప్ స్టాక్ భారీగా పడిపోయాయి. అయితే ఈ ఆరోపణలను అదానీ గ్రూప్ ఖండించింది. అప్పటి నుంచి అధానీ ఎలాంటి కొనుగోళ్లు జరపలేదు. తాజాగా ట్రైన్‌మ్యాన్‌ కొనుగోలుతో అదానీ గ్రూప్ తిరిగి పుంజుకున్నట్లు పలువురు చెబుతున్నారు. అదానీ గ్రూప్ గతంలో అనే కంపెనీలను సొంతం చేసుకుంది. అందులో ఎన్డీటీవీ కూడా ఒకటి.