Adani: ఆ కంపెనీని అక్వైర్ చేయనున్న అదానీ సంస్థ.. రేపో మాపో ప్రకటన

Adani: అల్ట్రాటెక్ సిమెంట్ తర్వాత అదానీ గ్రూపుకు చెందిన అంబుజా సిమెంట్ దేశంలోని అతిపెద్ద సిమెంట్ తయారీదారు. సంఘీ ఇండస్ట్రీస్ లో మెజారిటీ వాటాను కొనుగోలు చేసేందుకు గుజరాత్‌ కు చెందిన ఈ కంపెనీ ఓ ఒప్పందాన్ని కుదుర్చుకుంది. అమెరికా సంస్థ హిండెన్ బర్గ్ నివేదిక వల్ల ఎదుర్కొంటున్న ఇబ్బందుల నుంచి బయటపడేందుకు ఈ డీల్ మరింత ఊతమిస్తుందని భావిస్తున్నారు.

ఈ వార్తలపై అటు అదానీ గ్రూపు కానీ ఇటు సంఘీ సిమెంట్ కానీ స్పందించడానికి నిరాకరించాయి. అయితే ఈ ఒప్పందంపై అంబుజా సిమెంట్ త్వరలో ప్రకటించే అవకాశం ఉన్నట్లు తెలుస్తోంది. సంఘీ కంపెనీ విలువ 729 మిలియన్ డాలర్లుగా అంచనా. అందులో మెజారిటీ స్టేక్ ను దక్కించుకునే పనిలో అదానీ సంస్థ ఉన్నట్లు సమాచారం.

అదానీకి చెందిన అంబుజా సిమెంట్‌ కు దేశ వ్యాప్తంగా అర డజనుకు పైగా తయారీ ప్లాంట్లు ఉన్నాయి. 65 మిలియన్ టన్నుల కంటే ఎక్కువ ఉత్పత్తి చేసే సామర్థ్యం వీటి సొంతం. ఇక సంఘీ విషయానికి వస్తే, గుజరాత్‌ లోని ప్రముఖ సిమెంట్ తయారీదారు. ఏడాదికి 6.1 మిలియన్ మెట్రిక్ టన్నులు సామర్థ్యం ఉన్నట్లు తెలుస్తోంది.