IPO News: గ్రేమార్కెట్లో కళ్లు తిరిగే లాభంలో ఐపీవో.. మీరూ షేర్ల కోసం దరఖాస్తు చేశారా..??

Accent Microcell IPO: డిసెంబరులో ఎన్నడూ లేని విధంగా భారీ సంఖ్యలో ఐపీవోలు మార్కెట్లోకి అరంగేట్రం చేసేందుకు ప్లాన్ చేస్తున్నాయి. అయితే అవి గ్రేమర్కెట్లో సంచలనాలు సృష్టిస్తూ ఇన్వెస్టర్లకు భారీగా లాభాలను తెచ్చిపెడుతున్నాయి.

ఇప్పుడు మనం మాట్లాడుకోబోతున్నది యాక్సెంట్ మైక్రోసెల్ ఐపీవో గురించే. ఈ ఐపీవోలో ఇన్వెస్టర్లు భారీగా తమ డబ్బును పెట్టుబడిగా పెట్టారు. కంపెనీ ఐపీవో 362 కంటే ఎక్కువ సార్లు సబ్‌స్క్రైబ్ చేయబడింది. ఇప్పుడు యాక్సెంట్ మైక్రోసెల్ షేర్లు డిసెంబర్ 15న మార్కెట్లో లిస్ట్ కానున్నాయి. కంపెనీ షేర్ల గ్రేమార్కెట్ ప్రీమియం రూ.190కి చేరుకుంది. దీని ప్రకారం లిస్టింగ్ రోజున కంపెనీ షేర్లు భారీ లాభాలతో లిస్ట్ కావొచ్చని తెలుస్తోంది. అదే జరిగితే ఇన్వెస్టర్లు అతిపెద్ద లిస్టింగ్ గెయిన్స్ పొందుతారు.

యాక్సెంట్ మైక్రోసెల్ ఐపీవో ప్రైస్ బ్యాండ్ రూ.133-140గా కంపెనీ ప్రకటించింది. గ్రే మార్కెట్‌లో కంపెనీ షేర్లు రూ.190 ప్రీమియంతో ఉన్నందున ఒక్కో షేరు జాబితా సమయంలో రూ.330కి చేరుకోనున్నట్లు నిపుణులు అంచనా వేస్తున్నారు. IPOలో కంపెనీ షేర్లను పొందిన ఇన్వెస్టర్లు లిస్టింగ్ రోజున దాదాపు 135% లాభాన్ని ఆశించవచ్చని వారు అంటున్నారు.

యాక్సెంట్ మైక్రోసెల్ ఐపీవో మెుత్తంగా 362.41 సార్లు సభ్యత్వం పొందింది. కంపెనీ IPOలో రిటైల్ ఇన్వెస్టర్ల కోటా 409.95 రెట్లు , నాన్-ఇన్‌స్టిట్యూషనల్ ఇన్వెస్టర్ల కోటా 576.70 రెట్లు, క్వాలిఫైడ్ ఇన్‌స్టిట్యూషనల్ కొనుగోలుదారుల కోటా 118.48 రెట్లు సబ్‌స్క్రైబ్ చేయబడింది. లాట్ పరిమాణాన్ని 1000 షేర్లుగా నిర్ణయించిన కంపెనీ ఇందుకోసం రూ.1,40,000 కనీసం పెట్టుబడిగా నిర్ణయించింది. ఐపీవోకి ముందర కంపెనీలో ప్రమోటర్ల వాటా 73.13%.. ఉండగా ఇప్పుడు 53.67% తగ్గనుంది. ప్రస్తుతం ఐపీవో నుంచి కంపెనీ మార్కెట్ల నుంచి రూ.78.40 కోట్లను సమీకరించాలని నిర్ణయించింది.