Bengaluru News: బెంగళూరులో సెక్యూరిటీ డిపాజిట్ కింద రూ.1.30 లక్షలు చెల్లిస్తే.. కేవలం రూ.19 వేలే తిరిగిచ్చారు.

బెంగళూరులో అద్దెకు ఉండడం భారీగా ఖర్చుతో కూడుకున్న పనిగా మారింది. ఇంటి ఓనర్లు భారీ మొత్తంలో సెక్యూరిటీ డిపాజిట్లు చేయించుకుంటున్నారు. భారీగా అద్దె వసూలు చేస్తున్నారు. తాజాగా ఓ వ్యక్తి బెంగళూరులో 3BHK విల్లా కోసం రూ.1.30 లక్షల సెక్యూరిటీ డిపాజిట్ చెల్లించాడు. అక్కడ రెండేళ్లు నివసించిన తర్వాత ఇంటిని ఖాళీ చేస్తున్న సమయంలో కేవలం రూ.19,000 మాత్రమే తిరిగి పొందగలిగారు. మిగిలిన భారీ మొత్తాన్ని అంటే రూ.1.11 లక్షలను ఇంటి యజమాని పెయింటింగ్, కూలీ ఖర్చులు, నెల మధ్యలో ఇల్లు ఖాళీ చేసినప్పటికీ పూర్తి నెల అద్దె పేరుతో తన వద్దే ఉంచుకున్నారు.
ఇందుకు సంబంధించి బాధితుడు సోషల్ మీడియాలో పోస్ట్ చేశాడు.

"రూ.1.3 లక్షలలో దాదాపు రూ.1.11 లక్షలు కోత విధించారు. దీనివల్ల మాకు కేవలం రూ.19,000 మాత్రమే మిగిలాయి" అని ఆ అద్దెదారు వైరల్ అయిన రెడిట్ పోస్ట్‌లో పేర్కొన్నారు. ఈ ఘటన, బెంగళూరు అద్దె మార్కెట్‌లో సెక్యూరిటీ డిపాజిట్ నుంచి ఏకపక్షంగా డబ్బును తగ్గించుకోవడం, ఇల్లు ఖాళీ చేసే సమయంలో ఆర్థిక జవాబుదారీతనం లేకపోవడం వంటి వివాదాస్పద అంశాలపై చర్చను మళ్లీ రేకెత్తించింది. వైరల్ అయిన ఆ పోస్ట్‌లో, బిడాడి (Bidadi)లోని విల్లాను 2026 జూన్ 15న ఖాళీ చేసినట్లు, ఇల్లు ఖాళీ చేసేటప్పుడు తిరిగి పెయింటింగ్ చేయించాలనే ఒప్పందంలోని నిబంధన తమకు తెలుసని అద్దెదారు అంగీకరించారు.

అయితే, డబ్బును తగ్గించిన తీరు, ఆ మొత్తం పరిమాణం అద్దెదారుకు ఊహించని షాక్‌ను కలిగించాయి. ముఖ్యంగా ఎటువంటి పారదర్శకత లేదా దానికి సంబంధించిన ఆధార పత్రాలు లేకపోవడమే ప్రధాన సమస్యగా మారింది. "పెయింటింగ్ కోసం మేము ఏమీ చెల్లించకూడదని మా ఉద్దేశం కాదు. ఒప్పందం ప్రకారం పెయింటింగ్ చేయించాల్సిన బాధ్యత మాకు ఉందని మాకు తెలుసు," అని అద్దెదారు పోస్ట్‌లో రాశారు. "సమస్య ఏమిటంటే, తగ్గించిన మొత్తం చాలా ఎక్కువగా అనిపిస్తోంది. ముఖ్యంగా, ఇంత పెద్ద మొత్తాన్ని తగ్గించడానికి తగిన బిల్లులు లేదా స్పష్టమైన వివరాలతో కూడిన లెక్కలు మాకు అందించలేదు" అని పేర్కొనాడు.

జూన్ 15న ఇంటిని అప్పగించినప్పటికీ ఇంటి యజమాని చివరి నెల అద్దె పేరుతో రూ.16,000 కూడా తగ్గించుకున్నారు. ఇలాంటి పరిస్థితుల్లో ఇంటి యజమాని చివరి నెల అద్దెగా ఆ పూర్తి రూ.16,000 మొత్తాన్ని తగ్గించుకోవచ్చా? ప్రశ్నించారు. గతంలో కూడా బెంగళూరులో ఇలాంటి ఘటనలు జరిగాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.