Viral Video: డెలివరీ బాయ్కి ఊహించని షాకిచ్చిన కస్టమర్..
ఈ మధ్య ఫుడ్ డెలివరీ బాయ్స్ కు సంబంధించిన పలు వీడియోలు వైరల్ అవుతోన్నాయి. తాజాగా జోమాటో డెలివరీ బాయ్ కి చెందిన ఓ వీడియో సోషల్ మీడియాలో వైరల్ అవుతోంది. ఈ వీడియోలో ఫుడ్ను తెచ్చిన డెలివరీ బాయ్కు ఓ కస్టమర్.. వినూత్న రీతిలో స్వాగతం పలికాడు. దీనికి సంబంధించిన వీడియో సోషల్ మీడియాలో హల్చల్ చేస్తోంది.
భారీ వర్షాలు
దేశరాజధాని ఢిల్లీలో ఇటీవల భారీ వర్షాలు కురిశాయి. వర్షంలో బయటకు వెళ్లే వీలులేక ఓ కస్టమర్ జొమాటోలో ఫుడ్ ఆర్డర్ చేసుకున్నాడు. అయితే ఆ కస్టమర్ ఆర్డర్ తీసుకుని సదరు జొమాటో డెలివరీ బాయ్.. ఓ గంట ఆలస్యంగా ఇంటికి వచ్చాడు. అటు వర్షం.. ఇటు పండుగ కావడంతో ట్రాఫిక్లో ఇబ్బందులు ఎదుర్కొంటూ జొమాటో డెలివరీ బాయ్ ఎట్టకేలకు ఫుడ్ను డెలివరీ చేశాడు.
హారతి
డెలివరీ బాయ్ ఇంటికి రాగానే ఆ కస్టమర్ వినూత్నంగా స్వాగతం పలికాడు. ఫుడ్ డెలివరీ బాయ్ కుమార్.. గుమ్మం ముందుకు వచ్చిన వెంటనే కస్టమర్.. డెలివరీ బాయ్కు బొట్టుపెట్టి.. హారతి ఇచ్చి వెల్కమ్ చెప్పాడు. దీంతో కుమార్ షాకయ్యాడు. నవ్వుతూ బొట్టు పెట్టించుకున్నాడు. ఇందుకు సంబంధించిన సోషల్ మీడియాలో వైరల్ అవుతోంది.
వాళ్లు కూడా మనుషులే
ఆ కస్టమర్ ది గొప్ప మనసని ఒకరు కామెంట్ చేయగా.. డెలివరీ బాయ్లు కూడా మనుషులే అని అర్థం చేసుకోవాలని మరొకరు కామెంట్ చేశారు.