ఈ వారం రాబోయే 7 SME IPO ల వివరాలు ఇవే

ఈ వారం చివరిలో, జూన్ నెల ముగింపు సమయంలో(జూన్ 30), దేశీయ మార్కెట్‌లో 7 కొత్త ఐపీవోలు (Initial Public Offerings) బిజినెస్ రంగంలో చక్కటి ఉత్సాహాన్ని సృష్టిస్తున్నాయి. చిన్న, మధ్య తరహా కంపెనీలు తమ వ్యాపార విస్తరణ కోసం పబ్లిక్ ఇష్యూల ద్వారా పెట్టుబడులు సేకరించేందుకు సిద్ధమవుతున్నాయి. ఈ ఐపీవోలు వివిధ రంగాలకు చెందినవిగా ఉండగా, వాటిలో మాన్యుఫ్యాక్చరింగ్, జ్యువెలరీ, ఫుడ్, ట్రావెల్, ఫ్యాషన్, టెక్స్టైల్ వంటి విభిన్న విభాగాలు ఉన్నాయి. పెట్టుబడిదారులు దీర్ఘకాలిక లాభాల కోసం ఈ ఐపీవోలకు గమనించాల్సిన అవసరం ఉంది.

సిల్కీ ఓవర్సీస్ IPO:
సిల్కీ ఓవర్సీస్ లిమిటెడ్ ఒక హోమ్ టెక్స్టైల్ (గృహ వినియోగ వస్త్రాలు) తయారీ సంస్థ. ఇది ప్రధానంగా మింక్ దుప్పట్లు, బెడ్‌షీట్లు, కంఫర్టర్లు (వేడిగా ఉండే మంచపు దిండు వస్త్రాలు) వంటి బెడ్డింగ్ ఎసెషియల్స్‌ను తయారు చేస్తుంది. ఇవన్నీ Rian Décor అనే బ్రాండ్ పేరుతో మార్కెట్‌లోకి విడుదల అవుతాయి.
ఈ IPO జూన్ 30 నుంచి జూలై 2 వరకు ప్రారంభమవుతుంది. మొత్తం ఇష్యూ పరిమాణంరూ. 30.68 కోట్లతో, షేర్ ధ‌రను రూ. 153-161 గా నిర్ణయించారు. ప్రతి బిడ్డింగ్ లాట్ 800 షేర్లతో ఉంటుంది. కంపెనీ NSE SME ప్లాట్‌ఫారమ్‌లో జాబితా అవుతుంది.

పుష్ప జ్యువెలర్స్ IPO:
పుష్ప జ్యువెలర్స్ భారతదేశం అంతటా B2B బంగారు ఆభరణాల తయారు చేసే కంపెనీ. 2009లో స్థాపించబడింది. ఈ కంపెనీ IPO జూన్ 30న ప్రారంభమై, జూలై 2న ముగుస్తుంది. ఈ కంపెనీ రూ. 98.65 కోట్లు సేకరించాలనుకుంటోంది. జూలై 3న కేటాయింపు ఖరారు అవుతుంది. జూలై 7న NSE SMEలో షేర్లు జాబితా చేయబడతాయని భావిస్తున్నారు. ఈ IPOలో బిడ్డింగ్ కోసం ధర బ్యాండ్ షేరుకు రూ. 143-147, లాట్ సైజు 1000 షేర్లు.

సెడార్ టెక్స్‌టైల్ ఐపీఓ:
సెడార్ టెక్స్‌టైల్ విభిన్న ఫైబర్స్ (కాటన్, పాలిస్టర్, అక్రీలిక్, విస్కోజ్, టెన్సెల్, మోడల్) ఉపయోగించి, సస్టైనబుల్ 100% ఆర్గానిక్ మరియు రీసైకిల్ చేసిన యార్న్స్‌ను ఉత్పత్తి చేస్తారు. ఈ ఐపీఓ కూడా జూన్ 30 నుంచి జూలై 2 వరకు అందుబాటులో ఉంటుంది, దీని మొత్తం పరిమాణం రూ. 60.90 కోట్లు షేర్స్ ధర రూ. 130-140, లాట్ సైజు 1,000 షేర్లతో ఉంటుంది. ఇది NSE Emerge SME ప్లాట్‌ఫారమ్‌లో జాబితా అవుతుంది.

మార్క్ లోయిర్ ఐపీఓ:
ఈ కంపెనీ ఫాస్ట్‑గ్లోయింగ్ ఉమెన్స్ ఫూట్ వేర్ రంగంలో పనిచేస్తుంది. ఈ కంపెనీ IPO పరిమాణం రూ. 21 కోట్లతో, ఫిక్స్‌డ్ ధర రూ. 100 ఒకొక్క షేర్‌గా నిర్ణయించారు. లాట్ సైజు 1,200 షేర్లు. ఇది జూన్ 30-జూలై 2 తేదీల్లో అందుబాటులో ఉంటుంది. ఈ షేర్లు జూలై 7న BSE SMEలో జాబితా అవుతాయి.

వందన్ ఫుడ్స్ IPO:
వందన్ ఫుడ్స్ ప్రధానంగా ఆముదం ఆయిల్స్, ఆముదం ఆయిల్ కేక్, విలువైన వ్యవసాయ కమోడిటీస్ ట్రేడింగ్‌లో నిమగ్నమై ఉంది.
ఈ IPO జూన్ 30-జూలై 2 వరకు లభిస్తుంది. మొత్తం పరిమాణం రూ. 30.36 కోట్లతో షేర్ ధ‌రను రూ. 115 గా నిర్ణయించారు. ప్రతి బిడ్డింగ్ లాట్ 1,200 షేర్లతో ఉంటుంది. ఇది BSE SMEలో జాబితా చేయబోతున్నారు.

క్రిజాక్ IPO:
ఇది విద్యార్థుల నియామక, సెల్ఫ్‑డెవెలప్‌మెంట్ సేవలలో పని చేసే కంపెనీ. క్రిజాక్ IPO జూలై 2-4 వరకు ఉంటుంది, ధర రూ. 233-245, లాట్ సైజు 61 షేర్స్ , మొత్తం పరిమాణం రూ. 860 కోట్లతో ఉంటుంది, ఇందులో ప్రధానంగా Offer For Sale ద్వారా ప్రమోటర్లు షేర్స్ విక్రయిస్తున్నారు . జూలై 9న షేర్లు BSE, NSEలో లిస్ట్ చేయబడతాయి.

ట్రావెల్ ఫుడ్ సర్వీసెస్ IPO:

ట్రావెల్ ఫుడ్ సర్వీసెస్ ఎయిర్‌పోర్ట్‌లలోని లౌంజ్ మరియు క్యాటరింగ్ సేవలను అందిస్తుంది. ఇది మెయిన్‌బోర్డ్ IPOగా రూ. 2,000 కోట్ల పరిమాణంతో జూలై 3-7 వరకు అందుబాటులో ఉంటుంది. జూలై 8న కేటాయింపు ఖరారు అవుతుంది. జూలై 10న షేర్లు BSE, NSEలో లిస్ట్ చేయబడతాయి. IPO ధరల శ్రేణి ఇంకా ప్రకటించబడలేదు.

ఈ వారం IPO మార్కెట్ చాలా క్రియాశీలంగా ఉంది - మొత్తం 7 నూతన IPOలు ఓపెన్ కాగా, SME & మెయిన్‌బోర్డ్‌లో 19 నూతన లిస్టింగ్స్ జరగనున్నాయి. ఇది ప్రైమరీ మార్కెట్‌లో శక్తివంతమైన వోల్యూమ్ మరియు శక్తినిచ్చేది.