పదింట 7 కంపెనీల మార్కెట్ క్యాప్ రూ.2 లక్షల కోట్లు అప్: రిలయన్స్ జూమ్, టీసీఎస్ డౌన్
మోస్ట్ వ్యాల్యూడ్ టాప్ 10లోని ఏడు కంపెనీల మార్కెట్ క్యాపిటలైజేషన్ గత వారం పెరిగింది. ఈ ఏడు సంస్థల సంపద రూ.2 లక్షల కోట్లకు పైగా పెరిగింది. మరో మూడు సంస్థల మార్కెట్ క్యాపిటలైజేషన్ తగ్గింది. ఎం-క్యాప్ పరంగా భారీగా ఎగిసిన సంస్థల్లో ముఖేష్ అంబానీ నేతృత్వంలోని రిలయన్స్ ఇండస్ట్రీస్ ముందు ఉంది. వరుస పెట్టుబడులు, కోలుకుంటున్న చమురు ధరలు, దీనికి తోడు ప్రధానంగా షేర్ ధర అంతకంతకూ పెరగడం రిలయన్స్కు కలిసి వచ్చింది.
చైనాకు 'స్మార్ట్' దెబ్బ, భారీగా పడిపోయిన చైనీస్ ఫోన్ల సేల్: శాంసంగ్ సేల్స్ అదుర్స్
రూ.2 లక్షల కోట్లకు పైగా పెరిగిన మార్కెట్ క్యాప్
గత వారం ఏడు కంపెనీలు మార్కెట్ క్యాపిటలైజేషన్ రూ.2,03,063.21 పెరిగింది. ఇందులో రిలయన్స్తో పాటు HDFC బ్యాంకు, ఇన్ఫోసిస్, HDFC, కొటక్ మహీంద్రా బ్యాంకు, ICICI బ్యాంకు, ITC ఉన్నాయి. టాటా కన్సల్టెన్సీ సర్వీసెస్ (TCS), హిందూస్తాన్ యూనీలీవర్ లిమిటెడ్, భారతీ ఎయిర్ టెల్ మార్కెట్ క్యాపిటలైజేషన్ తగ్గింది.
ఏ కంపెనీ మార్కెట్ వ్యాల్యూ ఎంత పెరిగింది
ఆయిల్ టు టెలికం దిగ్గజం రిలయన్స్ ఇండస్ట్రీస్ మార్కెట్ క్యాపిటలైజేషన్ గత ఐదు సెషన్లలో రూ.1,48,880.91 కోట్లు పెరిగి రూ.13,60,562.99 కోట్లకు చేరుకుంది. రిలయన్స్ రిటైల్లో అమెజాన్ పెట్టుబడులు పెట్టేందుకు ఆసక్తిగా ఉందనే వర్తల నేపథ్యంలో రిలయన్స్ షేర్స్ జూమ్ అన్నాయి.
ICICI బ్యాంకు మార్కెట్ క్యాప్ రూ.18,135.35 పెరిగి రూ.2,47,291.59 కోట్లకు,
HDFC బ్యాంకు రూ.10,788.4 పెరిగి రూ.6,14,252.37 కోట్లకు,
ఇన్ఫోసిస్ రూ.7,935.1 పెరిగి రూ.3,92,962.68 కోట్లకు,
ఐటీసీ మార్కెట్ వ్యాల్యుయేషన్ రూ.7,006.57 పెరిగి రూ.2,45,475.86 కోట్లకు పెరిగింది.
HDFC మార్కెట్ క్యాప్ రూ.6,062.45 పెరిగి రూ.3,19,332.15 కోట్లకు, కొటక్ మహీంద్రా బ్యాంకు ఎం-క్యాప్ రూ.4,254.43 కోట్లు పెరిగి రూ.2,67,118.80 కోట్లకు పెరిగింది.
తగ్గిన టీసీఎస్ ఎం-క్యాప్
HUL మార్కెట్ క్యాపిటలైజేషన్ రూ.29,040.44 కోట్లు తగ్గి రూ.5,19,191.82 కోట్లకు,
TCS మార్కెట్ క్యాపిటలైజేషన్ రూ.16,623.07 కోట్లు తగ్గి రూ.8,09,408.14 కోట్లకు,
భారతీ ఎయిర్టెల్ ఎం-క్యాప్ రూ.4,118.95 కోట్లు తగ్గి రూ.3,05,402.10 కోట్లకు తగ్గింది.
మార్కెట్ క్యాపిటలైజేషన్ పరంగా టాప్ 10లో వరుసగా రిలయన్స్ ఇండస్ట్రీస్, TCS, HDFC బ్యాంకు, HUL, ఇన్ఫోసిస్, HDFC, ఎయిర్టెల్, కొటక్ మహీంద్రా బ్యాంకు, ICICI బ్యాంకు, ITC ఉన్నాయి.
గత వారం సెన్సెక్స్ 1,108.76 పాయింట్లు లేదా 2.99 శాతం పెరిగింది.