రిలయన్స్ జూమ్, టాప్ 10 కంపెనీల్లో ఏడింటి నష్టం రూ.78,127 కోట్లు
గత వారం టాప్ టెన్ అత్యధిక మార్కెట్ క్యాప్ కలిగిన కంపెనీలు రూ.78,127.74 కోట్లు నష్టపోయాయి. కొద్ది రోజుల క్రితం లాభాల్లోకి మార్కెట్లు, గత వారం నష్టాల్లోకి జారుకున్న విషయం తెలిసిందే. దీంతో టాప్ 10 కంపెనీల్లో ఏడు నష్టపోయాయి. భారీగా దెబ్బతిన్న కంపెనీలో హెచ్డీఎఫ్సీ బ్యాంకు ముందుంది. రిలయన్స్ ఇండస్ట్రీస్, హిందూస్తాన్ యూనీలీవర్, హెచ్డీఎఫ్సీలు లాభాల్లో ముగిశాయి.
రాయల్ ఎన్ఫీల్డ్ షాకింగ్ నిర్ణయం, కార్యాలయాల మూసివేత: ఉద్యోగులకు మాత్రం భారీ ఊరట
హెచ్డీఎఫ్సీ బ్యాంకు మార్కెట్ క్యాపిటలైజేషన్ రూ.28,391.71 కోట్లు నష్టపోయి రూ.5,39,305.38 కోట్లకు తగ్గింది. భారతీ ఎయిర్టెల్ మార్కెట్ క్యాప్ 13,638.89 తగ్గి రూ.3,05,456.66కు, కొటక్ మహీంద్రా బ్యాంకు ఎం-క్యాప్ రూ.11,882.72 నష్టపోయి రూ.2,53,197.91కు, ఐసీఐసీఐ బ్యాంకు వ్యాల్యూ రూ.8,411.45 తగ్గి రూ.2,22,918.94కు పడిపోయింది. గత వారం బ్యాంకులు భారీగా దెబ్బకొట్టాయి.
టెక్ దిగ్గజం ఇన్ఫోసిస్ మార్కెట్ క్యాపిటలైజేషన్ రూ.4,961.86తగ్గి రూ.2,94,772.86 కోట్లకు, టీసీఎస్ ఎం-క్యాప్ రూ.3,527.24 పడిపోయి రూ.7,64,998.67 కోట్లకు తగ్గింది.
రిలయన్స్ ఇండస్ట్రీస్ మార్కెట్ క్యాపిటలైజేషన్ రూ.5,198.31 కోట్లు పెరిగి రూ.10,07,204.41కు చేరుకుంది. హెచ్డీఎఫ్సీ వ్యాల్యుయేషన్ రూ.4,555.28 పెరిగి రూ.3,10,486.85 కోట్లకు, హిందూస్తాన్ యూనీలీవర్ (HUL) రూ.4,464.15 కోట్లు పెరిగి మార్కెట్ క్యాపిటలైజేషన్ రూ.4,94,862.23కు చేరుకుంది.
గత వారం హెచ్చుతగ్గుల నేపథ్యంలో బీఎస్ఈ సెన్సెక్స్ 506.35 పాయింట్లు లేదా 1.47 పాయింట్లు పెరిగింది. మార్కెట్ క్యాప్ పరంగా టాప్ 10 ర్యాంకింగ్స్లో రిలయన్స్ ఇండస్ట్రీస్ మొదటి స్థానంలో ఉంది. ఆ తర్వాత వరుసగా టీసీఎస్, హెచ్డీఎఫ్సీ బ్యాంకు, హిందూస్తాన్ యూనీలీవర్, హెచ్డీఎఫ్సీ, భారతీ ఎయిర్టెల్, ఇన్ఫోసిస్, కొటక్ మహీంద్రా బ్యాంకు, ఐటీసీ, ఐసీఐసీఐ బ్యాంకు ఉన్నాయి.