Post Office Saving Schemes: ఫిక్స్ డ్ డిపాజిట్ల కంటే ఎక్కువ వడ్డీ రేటు అందిస్తున్న పోస్టాఫీసు పథకాలు..

జూన్‌లో ఆర్బీఐ రెపో రేటును 4.90 శాతానికి పెంచినప్పటి నుంచి డిపాజిట్లపై వడ్డీ రేట్లు పెరిగాయి. కానీ అవి ఇప్పటికీ ద్రవ్యోల్బణాన్ని అధికమించే స్థాయిలో లేపు. రెపో రేటు పెరిగినప్పటి నుంచి స్వల్పకాలిక డిపాజిట్ల వడ్డీ రేట్లలో పెరుగుదల కనిపిస్తోంది. అయితే బ్యాంక్ ఫిక్స్‌డ్ డిపాజిట్ వడ్డీ రేట్లు పోస్టాఫీసు పథకాల కంటే తక్కువగానే ఉన్నాయి.

SBI, ICICI, HDFC, Axis Bank, PNB, BoBల వడ్డీ రేట్లు సీనియర్ సిటిజన్ సేవింగ్స్ స్కీమ్ (SCSS), పబ్లిక్ ప్రావిడెంట్ ఫండ్ ఖాతా (PPF), సుకన్య సమృద్ధి ఖాతా వంటి పోస్టాఫీసు పథకాలపై వడ్డీ రేట్ల కంటే చాలా తక్కువ. ఫిక్స్‌డ్ డిపాజిట్ల కంటే ఎక్కువ సురక్షితమైన రాబడిని పొందాలనుకునేవారు దీర్ఘకాలిక పెట్టుబడుల కోసం ఈ పోస్టాఫీసు పొదుపు పథకాల్లో పెట్టుబడి పెట్టొచ్చు.

సీనియర్ సిటిజన్ సేవింగ్స్ స్కీమ్ (SCSS)

సీనియర్ సిటిజన్ సేవింగ్స్ స్కీమ్ (SCSS) అనేది పోస్టాఫీసు పొదుపు పథకం. ఇది ఫిక్స్‌డ్ డిపాజిట్ల కంటే మెరుగైన రాబడిని అందిస్తోంది. 60 ఏళ్లు పైబడిన పెద్దలు, 55 ఏళ్లు పైబడిన రిటైర్డ్ సివిల్ ఉద్యోగులు, 60 ఏళ్లలోపు వయస్సు ఉన్నవారు, 50 ఏళ్లు పైబడిన రిటైర్డ్ సైనిక సిబ్బంది, 60 ఏళ్లలోపు వారు SCSS ఖాతాను తెరవచ్చు.

ఒక సీనియర్ సిటిజన్ గరిష్టంగా రూ. 15 లక్షల డిపాజిట్‌తో కనీసం INR 1000 డిపాజిట్ చేయడం ద్వారా తన జీవిత భాగస్వామితో వ్యక్తిగతంగా లేదా ఉమ్మడిగా ఖాతాను తెరవవచ్చు. సీనియర్ సిటిజన్లు కూడా SCSS కింద చేసిన పెట్టుబడులపై సెక్షన్ 80C కింద ₹1.5 లక్షల వరకు పన్ను ప్రయోజనాలను క్లెయిమ్ చేయవచ్చు.

పీపీఎఫ్(PPF)

PPF దీర్ఘకాలిక పెట్టుబడిదారులకు బాగా నచ్చిన పెట్టుబడి పథకాల్లో ఒకటి. ఇందులో కనీస డిపాజిట్ రూ. 500, గరిష్ట వార్షిక డిపాజిట్ రూ. 1.5 లక్షలుగా ఉంది. ఇందులో కూడా రూ. లక్ష 50 వేల వరకు పన్ను మినహాయింపు ఉంటుంది. PPFకు 15 సంవత్సరాల మెచ్యూరిటీ పిరియడ్ ఉంటుంది. ప్రస్తుతం పీపీఎఫ్ లో వార్షికంగా 7.1 శాతం వడ్డీని ఇస్తున్నారు. మెచ్యూరిటీ తర్వాత ఐదు సంవత్సరాల చొప్పున పొడిగించుకోవచ్చు.

సుకన్య సమృద్ధి యోజన(SSA)

ఈ పోస్టాఫీసు పథకం ప్రత్యేకంగా ఆడ పిల్లల కోసం ప్రవేశపెట్టారు. SSA ఖాతాలను 10 సంవత్సరాల కంటే తక్కువ వయస్సు ఉన్న వారి బాలికల తరపున సంరక్షకులు ఏర్పాటు చేయవచ్చు. SSA ఖాతాలో కనీసం 250 నుంచి గరిష్ఠంగా 1,50,000 వరకు డిపాజిట్ చేయవచ్చు. ఇందులో గరిష్టంగా 15 సంవత్సరాల వరకు డిపాజిట్లు చేయవచ్చు. సుకన్య సమృద్ధి ఖాతా డిపాజిట్లపై సెక్షన్ 80C కింద సంవత్సరానికి ₹1.5 లక్షల వరకు పన్ను మినహాయింపు ఉంటుంది. సుకన్య సమృద్ధి పథకానికి ప్రస్తుతం 7.6% వార్షిక వడ్డీ రేటును అందిస్తున్నారు.