కొత్త ఫోన్లు.. ఆఫర్లు

దేశ, విదేశీ కంపెనీల మధ్య పోటీ తీవ్రంగా పెరిగిపోతోంది. ఇదేసమయంలో అమ్మకాలను పెంచుకోవడానికి డిస్కౌంట్లు, ఇతర ఆఫర్లు అందుబాటులోకి వచ్చాయి. ఈ నేపథ్యంలో అమ్మకాలు భారీగా పెరిగిపోయాయి. దీపావళి నేపథ్యం కూడా ఫోన్ల అమ్మకాలకు కలిసి వచ్చింది. అందుకే జులై నుంచి సెప్టెంబర్ మధ్యకాలంలో స్మార్ట్ ఫోన్ల మార్కెట్ రెండంకెల వృద్ధి సాధించింది. విభిన్న రకాల అవసరాల కోసం స్మార్ట్ ఫోన్ ఉపయోగ పడుతోంది. ఫోన్ల ద్వారా డిజిటల్ సమాచార వినియోగం పెరుగుతోంది. ఈ- కామర్సు, కమ్యూనికేషన్ వంటివాటికి వినియోగిస్తున్నారు. అందుకే వినియోగదారులు తమ ఖర్చుల్లో అధిక శాతం స్మార్ట్ ఫోన్ల కోసమే వినియోగిస్తున్నారు.

ఈ- కామర్స్ సైట్ల ద్వారా చిన్న గ్రామాలకు కూడా ఫోన్ల డెలివరీ జరుగుతోంది. దీనికి తోడు కంపెనీల డిస్కౌంట్లు, క్యాష్ బ్యాక్ లు, నెలవారీ వాయిదాల చెల్లింపుల సదుపాయాలు వంటివి ఆకర్షణీయంగా ఉంటున్నాయి. ఇవన్నీ అమ్మకాలు వృద్ధి చెందడంతో దోహద పడుతున్నాయని పరిశ్రమ వర్గాలు చెబుతున్నాయి.

నెంబర్ వన్ షామీ

* స్మార్ట్ ఫోన్ల అమ్మకాల్లో చైనాకు చెందిన షామీ దుమ్ము రేపుతోంది. సరికొత్త ఫోన్లను తక్కువ ధరల్లోని తెస్తూ ప్రత్యర్థి ప్రత్యర్థి కంపెనీలకు గట్టి పోటీ ఇస్తోంది.

* కౌంటర్ పాయింట్ వెల్లడించిన వివరాల ప్రకారం షామీ మార్కెట్ వాటా 26 శాతంగా ఉంది. తర్వాతి స్థానంలో ఉన్న శాంసంగ్ వాటా 20 శాతం, వివో వాటా 17 శాతం, రియల్ మీ 16 శాతం, ఒప్పో వాటా 8 శాతంగా ఉంది.

* కొన్ని మోడళ్ల ధరలు తగ్గించిన నేపథ్యంలో యాపిల్ మొబైల్ ఫోన్ల అమ్మకాలు పెరుగుతున్నాయి. దీంతో ఈ కంపెనీ టాప్ 10 కంపెనీల్లోకి చేరింది.

* నెంబర్ వన్ ప్రీమియం స్మార్ట్ ఫోన్ బ్రాండ్ గా వన్ ప్లస్ నిలిచింది. మూడో త్రైమాసికంలో ఈ కంపెనీ అమ్మకాలు రెండింతలు పెరిగాయి.

ఫీచర్ ఫోన్ మార్కెట్లో క్షీణత

*స్మార్ట్ ఫోన్ల కు ఆదరణ పెరుగుతున్న నేపథ్యంలో ఫీచర్ ఫోన్ల అమ్మకాలు తగ్గిపోతున్నాయి. మూడో త్రైమాసికంలో ఫీచర్ ఫోన్ల అమ్మకాలు గత ఏడాది ఇదే కాలంతో పోల్చి చూస్తే దాదాపు 37 శాతం తగ్గిపోయాయి. రిలయన్స్ జియో తన జియో ఫోన్ ధరను సగానికి సగం తగ్గించింది. దీంతో ఈ ఫోన్ల అమ్మకాలు ఊపందుకున్నాయి.

ఐ టెల్, లావా, కార్బన్ కంపెనీల అమ్మకాల్లోనూ సానుకూల వృద్ధి నమోదయింది. ఐ టెల్ రెండో స్థానములో నిచ్చింది. ఐ టెల్ అమ్మకాలు 40 శాతం మేర పెరిగాయి.

* ఫీచర్ ఫోన్ విభాగంలో శాంసంగ్ మార్కెట్ వాటా 22 శాతం, ఐ టెల్ వాటా 16 శాతం, లావా వాటా 16 శాతం, నోకియా 12 శాతం, కార్బన్ 7 శాతంగా ఉంది.