For Quick Alerts
ALLOW NOTIFICATIONS  
For Daily Alerts

అంతు చిక్కని మార్కెట్ తీరు... మ్యూచువల్ ఫండ్స్ దారెటు?

|

మనదేశంలో స్టాక్ మార్కెట్ల తీరును ఎవరు ఊహించలేక పోతున్నారు. చిన్న ఇన్వెస్టర్ల పరిస్థితి మరీ దీనంగా తయారయింది. మార్కెట్లు నష్టపోయినప్పుడు వీరి కష్టాలు, నష్టాలు వర్ణనాతీతం. మార్కెట్ పెరుగుతున్నప్పుడు ఆ ప్రయోజనాలు అందుకోలేరు. ఇదీ పరిస్థితి. ఈ నేపథ్యంలోనే రిస్క్ తీసుకోలేక మ్యూచువల్ ఫండ్స్ బాట పడుతున్నారు. ఫలితంగా మ్యూచువల్ ఫండ్స్ వద్ద ఖాతాలు పెరిగిపోతున్నాయి. వీటినే ఫోలియోలు అంటారు. గత సెప్టెంబర్ నెలలో మ్యూచువల్ ఫండ్స్ 3.45 లక్షల ఫోలియో లను జత చేసుకోవడంతో వీటి సంఖ్య 8.56 కోట్లకు ఎగబాకింది. అంతకు ముందు నెలలో కన్నా ఈ సంఖ్య తక్కువగానే ఉంది. గత ఆగస్టు లో 4.8 లక్షలు, జులై నెలలో 10 లక్షలకు పైగా ఫోలియోలను పరిశ్రమ జత చేసుకోగలిగింది. ఫోలియోలను ఇన్వెస్టర్ల ఖాతాలకు కేటాయిస్తుంటారు. ఒక ఇన్వెస్టర్ వివిధ ఫోలియోలను కలిగి ఉండవచ్చు.

44 మ్యూచువల్ ఫండ్ సంస్థలు

* ప్రస్తుతం మన దేశంలో 44 మ్యూచువల్ ఫండ్ సంస్థలు కార్యకలాపాలు సాగిస్తున్నాయి. సెప్టెంబర్ చివరి నాటికీ వీటి వద్ద ఫోలియో ల సంఖ్య 8,56,26,244కు చేరుకుంది.

* అంతకు ముందు ఆగస్టు నెలలో వీటి సంఖ్య 8,52,81,222 గా ఉంది. జులైలో 8.48 కోట్లు, జూన్ లో 8.38 కోట్లు, మే నెలలో 8.32 కోట్లు, ఏప్రిల్ లో 8.27 కోట్లు గా ఫోలియోల సంఖ్య ఉన్నది. మార్కెట్లలో నెలకొంటున్న హెచ్చు తగ్గులు ఇన్వెస్టర్లను ప్రభావితం చేస్తున్నాయని మార్కెట్ పరిశీలకులు చెబుతున్నారు.

రుణం తిరిగి చెల్లించలేకపోతున్నారా? మీకూ ఈ హక్కులుంటాయ్

అంతు చిక్కని మార్కెట్ తీరు... మ్యూచువల్ ఫండ్స్ దారెటు?

ఇదీ స్కీమ్స్ తీరు..

* సెప్టెంబర్ నెలలో బీఎస్ఈ సూచి సెన్సెక్స్ 3.6 శాతం పెరిగింది. ఇదే నెలలో ఈక్విటీ, ఈక్విటీ అనుసంధాన సేవింగ్ స్కీమ్స్ ఫోలియో లు 2 లక్షలు పెరిగి 6.18 కోట్లకు చేరుకున్నాయి. అంతకు ముందు నెలలో వీటి సంఖ్య 6.16 కోట్లుగా ఉంది.

* డెట్ ఓరియెంటెడ్ స్కీమ్స్ ఫోలియో లు 92,000 కు పైగా పెరిగి 67.67 లక్షలకు చేరుకున్నాయి.

* డెట్ కేటగిరీలో లిక్విడ్ ఫండ్స్ ముందున్నాయి. వీటి ఫోలియో లు 17 లక్షలుగా ఉన్నాయి. తక్కువ కాల పరిమితి ఫండ్ ఫోలియో లు 9.25 లక్షలు న్నాయి.

రూ. 1.52 లక్షల కోట్ల ఉపసంహరణ

* గత నెలలో మ్యూచువల్ ఫండ్స్ నుంచి 1.52 లక్షల కోట్ల పెట్టుబడులను ఇన్వెస్టర్లు ఉపసంహరించుకున్నారు. ఇదే కాలంలో 1.02 లక్షల కోట్ల పెట్టుబడులు వచ్చాయి. డెట్ ఓరియెంటెడ్ స్కీమ్స్ నుంచి పెట్టుబడులు తరలి పోయాయి. ఈ మొత్తం రూ.1.58 లక్షల కోట్లుగా ఉంది.

* ఈక్విటీ మ్యూచువల్ ఫండ్స్ లోకి దాదాపు రూ.6,489 కోట్ల పెట్టుబడులు వచ్చాయి. గత నాలుగు నెలల్లో ఈ స్థాయిలో ఎప్పుడు పెట్టుబడులు లేవు. కార్పొరేట్ టాక్స్ తగ్గింపు నేపథ్యంలో ఈక్విటీ మార్కెట్లలో ర్యాలీ నెలకొంది. ఇదే అవకాశంగా భావించిన ఇన్వెస్టర్లు లాభాల స్వీకరణకు దిగారు.

* పెట్టుబడులు తరలిపోయిన ఫలితంగా మ్యూచువల్ ఫండ్స్ నిర్వహణలోని ఆస్తులు సెప్టెంబర్ చివరినాటికి 4 శాతం తగ్గి 25.47 లక్షల కోట్ల నుంచి 24.51 లక్షల కోట్లకు చేరుకున్నాయి.

English summary

Mutual funds add around 3.45 lakh folios in September

The mutual fund industry has added 3.45 lakh investor accounts in September, taking the total tally to 8.56 crore, amid volatile market conditions. In comparison, the industry had added 4.8 lakh new folios in August and more than 10 lakh folios in July.
Story first published: Friday, October 25, 2019, 14:11 [IST]
Company Search