హైదరాబాద్‌వాసులకు షాక్, 10 రోజులపాటు గ్యాస్ డెలివరీలో ఇబ్బందులు

హైదరాబాద్: లిక్విఫైడ్ పెట్రోలియం గ్యాస్ (LPG) కస్టమర్లకు బ్యాడ్ న్యూస్. దీపావళి పండుగ సమయంలో ఎల్పీజీ సిలిండర్‌లు మరో పది రోజులు నిలిపివేయనున్నారు. ముంబై, కొచ్చిలలోని గ్యాస్ ఉత్పత్తి కేంద్రాల్లో సాంకేతిక సమస్యల కారణంగా ఈ నెల ప్రారంభంలో హైదరాబాదులోని చర్లపల్లి ప్లాంటుకు రైళ్ల ద్వారా ఎల్పీజీ సరఫరాలో అంతరాయం ఏర్పడింది.

ఐటీ జాబ్ మార్కెట్ మారుతోంది, మీరూ మారండి! సర్వేలో కీలక అంశాల

దీంతో హైదరాబాదులోని చాలామంది కస్టమర్లు బుక్ చేసిన ఎల్పీజీ సిలిండర్లు అందడం లేదు. బుక్ చేసిన సిలిండర్ల కోసం కొంతమంది వెయిట్ చేస్తున్నారు. ఎల్పీజీ సిలిండర్ డెలివరీ ఆలస్యానికి మరో కారణం కూడా ఉంది. డెలివరీ బాయ్స్ చాలామంది దసరా పండుగ సందర్భంగా ఊళ్లకు వెళ్లారు. దసరా, దీపావళి వంటి పండుగ సమయంలో గ్యాస్ రాకపోవడంపై ప్రజలు అసంతృప్తితో ఉన్నారు.

భారత్ పెట్రోలియం కార్పోరేషన్ లిమిటెడ్ (BPCL), హిందూస్థాన్ పెట్రోలియం కార్పోరేషన్ లిమిటెడ్ (HPCL), ఇండేన్ గ్యాస్ కంపెనీలకు ఎల్పీజీ గ్యాస్ ముంబై, కొచ్చిల నుంచి చర్లపల్లి ప్లాంటుకు వస్తుంది.

పది రోజుల క్రితం ఎల్పీజీ సిలిండర్ కోసం బుక్ చేశానని, దీని కోసం పలుమార్లు రిక్వెస్ట్ చేశానని, కానీ ఇప్పటి వరకు రాలేదని, డెలివరీ బాయ్స్ అందుబాటులో లేరని చెబుతున్నారట. అంతగా కాకపోయినా మరో పది రోజుల పాటు ఇబ్బందులు ఉంటాయని చెబుతున్నారట.