పసిడిపై గిఫ్ట్స్..

గత ఏడాది దీపావళి సమయంలో 99.9 శాతం స్వచ్ఛత కలిగిన తులం బంగారం ధర రూ.32,000 నుంచి రూ.33,000 మధ్య ఉండగా ఇప్పుడు రూ.39,000 వరకు ఉంది. సాధారణంగా ఏవైనా గృహోపకరణాలు వంటివి కొనుగోలు చేసినప్పుడు బంగారు నాణెం గిఫ్టుగా ఇస్తుంటారు. ఇప్పుడు అందుకు భిన్నంగా ఈసారి పసిడి ఆభరణాల కొనుగోలుపై ఎలక్ట్రానిక్ వస్తువులు పొందవచ్చు.

తరుగు, మజూరీ..

పాత ఆభరణాలు తీసుకెళ్తే, కొత్త అభరణాలు ఇస్తామని చెబుతుంటారు. మనం ఇచ్చిన బరువుకు సమానమైన ఆభరణం తీసుకు వెళ్లినా తరుగు, మజూరీ వంటి ఛార్జీలు ఉంటాయి. వీటిని మాత్రం వసూలు చేస్తారు. తరుగు కింద ఆభరణం డిజైన్‌ను బట్టి అధికంగా ముప్పై శాతం వరకు ఉంటుంది. ప్రతి పది గ్రాములకు ఆ మేరకు డబ్బులు చెల్లించాలి. పది శాతం తరుగు తీసుకున్నా పది గ్రాముల బంగారంపై దాదాపు రూ.4వేల వరకు అదనంగా చెల్లించవలసి వస్తుంది. పది శాతం కంటే ఎక్కువ తీసుకుంటే దానిని బట్టి పెరుగుతుంది.

ఫ్లాట్‌గా బంగారం ధరలు

ఇదిలా ఉండగా, బంగారం ధరలు శుక్రవారం పెరిగాయి. హైదరాబాద్ మార్కెట్లో పది గ్రాముల 24 క్యారెట్ల బంగారం స్వల్పంగా పెరిగింది. పవిత్రమైన ఈ ధన్‌తెరాస్ రోజున గోల్డ్ డిసెంబర్ ఫ్యూచర్‌లో బంగారం అక్టోబర్ 24న రూ.38,352 కాగా, ఈ రోజు (అక్టోబర్ 25) రూ.23 తగ్గి రూ.39,329గా ఉంది.