ఈ పండుగ సీజన్‌ కోసం...

ఈ పండుగ సీజన్‌లో బంగారం కొనుగోలు చేసే వారికోసం మొబిక్విక్ ‘మెగా ఎక్స్చేంజ్ వన్.. గెట్ వన్' ఆఫర్ ప్రకటించింది. ఆఫర్‌లో భాగంగా కస్టమర్లు ఆభరణాల కొనుగోలు కోసం 1 గ్రాము డిజిటల్ గోల్డ్‌ను మార్చుకుంటే.. వారికి 1 గ్రాము డిజిటల్ గోల్డ్ తిరిగి ఇస్తోంది. ఇది ‘సేఫ్‌గోల్డ్' అకౌంట్‌లో జమవుతుంది. ఆండ్రాయిడ్, ఐఓఎస్ యూజర్లకు ఈ ఆఫర్ వర్తిస్తుంది.

గతంలో అలా.. ఇప్పుడు ఇలా...

బంగారం కొనుగోలుకు భారతీయులు ఎప్పుడూ మక్కువే చూపుతారు. పండుగలు, పర్వదినాల్లో అయితే బంగారానికి డిమాండ్ మరింత అధికంగా ఉంటుంది. ధర ఎంతన్నది కూడా చూసుకోరు. కొనాలనుకుంటే.. కొని తీరాల్సిందే. ఈ డిమాండ్‌ను దృష్టిలో ఉంచుకునే మొబిక్విక్ గతంలోనే డిజిటల్ గోల్డ్ సర్వీసులు లాంచ్ చేసింది. ఇందులో భాగంగా ఒక్క రూపాయికి కూడా బంగారం కొనుగోలు చేసే అవకాశం కల్పించింది. ఇక ఇప్పుడేమో దీపావళి, ధన్‌తేరాస్ సందర్భంగా ‘మెగా ఎక్స్చేంజ్ వన్.. గెట్ వన్' ఆఫర్‌ అందుబాటులోకి తీసుకొచ్చింది.

ఆఫర్ పరిమిత కాలానికే...

మొబిక్విక్ యాప్ ద్వారా 99.5 ప్యూరిటీ, 24 క్యారెట్ల బంగారాన్ని కొనుగోలు చేయవచ్చు.. లేదా విక్రయించ వచ్చు. ఇక్కడ రూపాయికి కూడా బంగారం కొనొచ్చు. అలాగే డిజిటల్ గోల్డ్‌ను నాణేల రూపంలోకి మార్చుకోవచ్చు. ఇక మొబిక్విక్ తాజాగా అందుబాటులోకి తీసుకొచ్చిన ఈ ‘మెగా ఎక్స్చేంజ్ వన్.. గెట్ వన్' ఆఫర్.. పరిమిత కాలానికి మాత్రమే చెల్లుబాటు అవుతుంది. అక్టోబర్ 23 నుంచి 28 వరకు మాత్రమే ఈ ఆఫర్ బంగారం కొనుగోలుదారులకు అందుబాటులో ఉంటుందని ‘మొబిక్విక్' ప్రకటించింది.

మొబిక్విక్ యాప్ ద్వారా...

మొబిక్విక్ యాప్ ద్వారా బంగారం కొనుగోలు చేసిన తర్వాత అది మొబిక్విక్ గోల్డ్ అకౌంట్‌కు వచ్చి యాడ్ అవుతుంది. అలాగే మొబిక్విక్ వాలెట్ లేదా బ్యాంక్ అకౌంట్ ద్వారా కూడా బంగారం కొనుగోలు చేయవచ్చు. ఇలా కొనుగోలు చేసిన డిజిటల్ బంగారాన్ని మళ్లీ ఫిజికల్ గోల్డ్ రూపంలోకి మార్చుకోవచ్చు. అలాగే బంగారాన్ని కొనుగోలుదారులు తమ ఇంటికి కూడా డెలివరీ చేయించుకోవచ్చు.