రూ.4,000 టోకెన్ ధర చెల్లించి బుక్ చేసుకోవచ్చు..

రూ.4 వేలు టోకెన్ ధర చెల్లించి బెనెల్లి ఇండియా, బెనెల్లీ కంపెనీ వెబ్ సైట్ ద్వారా ఈ ద్విచక్ర వాహనాన్ని బుక్ చేసుకోవచ్చు. బైకు తిరిగిన కిలో మీటర్లతో సంబంధం లేకుండా మూడేళ్ల పాటు అఫరిమిత వారెంటీ ఇస్తోంది బెనెల్లీ ఇండియా. తొలి రెండేళ్లు కాంప్లిమెంటరీ సర్వీసు అందిస్తుంది. దీంతో పాటు రెండేళ్లు పూర్తయిన అనంతరం వార్షిక నిర్వహణ, కాంట్రాక్టు కింద సేవలు అందిస్తుంది. బెనెల్లీ ఇంపీరియల్ 400 బైక్ రాయల్ ఎన్‌ఫీల్డ్ క్లాసిక్ 350, జావా స్టాండర్డ్ బైక్స్‌కు పోటీ ఇస్తుందని మార్కెట్ వర్గాలు భావిస్తున్నాయి.

399 సీసీ ఎస్ఓహెచ్‌సీ

బెనెల్లి ఇంపీరియల్ 400లో 399 సీసీ ఎస్ఓహెచ్‌సీ, సింగిల్ సిలిండర్, 4 స్ట్రోక్, ఎయిర్ కూల్డ్, బీఎస్ 4 ఇంజిన్ అమర్చారు. ఇది 5500 ఆర్పీఎం వద్ద 20 బీహెచ్‌పీ శక్తిని, 4500 ఆర్పీఎం వద్ద 29 న్యూటన్ మీటర్ టార్క్‌ను ఉత్పత్తి చేస్తుంది. ఇందులో 6 స్పీడ్ గేర్ బాక్స్ ఉంది.

స్ల్పిట్ సీట్లు...

ముందు భాగంలో 300 ఎంఎం డిస్క్ బాక్స్, వెనుక భాగంలో 240 ఎంఎం డిస్క్ బాక్సు అమర్చారు. డ్యూయల్ ఛానల్ ఏబీఎస్ అందిస్తున్నారు. రౌండ్ హెడ్ ల్యాంప్, క్రోమ్ ఫినిష్ మిర్రర్స్, స్ప్లిట్ ఎనలాగ్ మీటర్, స్పిల్ట్ సీట్లు వంటి ఫీచర్స్ ఉన్నాయి. ముందు 19 అంగుళాల టైర్, వెనుక 18 అంగుళాల టైరుతో పాటు పీనట్ షేప్ ప్యూయల్ ట్యాంకు, ఆకర్షణీయ స్ప్లిట్ సీటు సెటప్ ఉంది.

మరింత విస్తరణ

గత రెండు నెలలుగా భారత మార్కెట్లోకి వరుస ఉత్పత్తులను విడుదల చేయడం ఆనందంగా ఉందని, ఇది భారత్ పట్ల బెనెల్లి నిబద్దతకు నిదర్శనమని, ఇంపీరియల్ 400 విడుదల పట్ల తాము ఎంతో నమ్మకంగా ఉన్నామని, భారత్‌లో తాము మరింత విస్తరించేందుకు ఇది తోడ్పడుతుందని బెనెల్లీ ఇండియా ఎండీ వికాస్ జాబాక్ అన్నారు.