ప్రయివేటు బ్యాంకు దిగ్గజం హెచ్‌డీఎఫ్‌సీ రుణాలపై వడ్డీ రేటును 10 బేసిస్ పాయింట్లు తగ్గించింది. తగ్గిన వడ్డీ రేట్లు నేటి నుంచి (అక్టోబర్ 15వ తేదీ) నుంచి అమలులోకి తెస్తున్నట్లు ప్రకటించింది. దీంతో హోమ్ లోన్స్ మరింత చౌక కానున్నాయి. హోమ్ లోన్స్ పైన రిటైల్ ప్రైమ్ లెండింగ్ రేటు (RPLR) 0.1 శాతం తగ్గించింది. దీంతో రుణ రేట్లు 8.25 శాతం నుంచి 8.65 శాతం మధ్యకు చేరుకున్నాయి.

HDFC రుణాలపై వడ్డీ రేట్లను 10 బేసిస్ పాయింట్లు తగ్గించిన నేపథ్యంలో పాత, కొత్తగా రుణాలు తీసుకునే వారికి ఆర్థిక ప్రయోజనం చేకూరనుంది. ఈ నెల ప్రారంభంలో రిజర్వ్ బ్యాంక్ ఆఫ్ ఇండియా (RBI) వడ్డీ రేట్లను 25 బేసిస్ పాయింట్లు తగ్గిస్తూ నిర్ణయం తీసుకుంది. ఇందుకు అనుగుణంగా బ్యాంకులు తమ రుమాలపై వడ్డీ రేట్లలో కోత విధిస్తున్నాయి. ఇందులో భాగంగా HDFC నిర్ణయం తీసుకుంది.

రుణాలను రెపో రేటుకు లింక్ చేసిన వివిధ బ్యాంకులు వడ్డీ రేటును 25 బేసిస్ పాయింట్లు తగ్గించింది. ఇప్పుడు HDFC తగ్గించింది. ప్రభుత్వరంగ దిగ్గజం స్టేట్ బ్యాంక్ ఆఫ్ ఇండియా (SBI) ఎంసీఎల్ఆర్ ను ఇటీవల తగ్గించిన విషయం తెలిసిందే. దీంతో రుణాలు 8.05 శాతానికి తగ్గాయి. జూలై నెల నుంచి వరుసగా రెపో రేట్లు తగ్గుతున్నాయి.