మహిళల వక్షోజాల వలె పెరిగిన చాతి

పెన్సిల్వేనియాకు చెందిన ఆటిజం స్పెక్ట్రమ్ అనే వ్యాధితో బాధపడుతున్న నికోలస్ ముర్రే 2003లో సైకాలజిస్ట్‌ను కలిశాడు. అతను ఓ మందు రాసిచ్చాడు. అతనికి మహిళల వలె వక్షోజాలు పెరిగాయి. దీంతో నికోలస్ ఆ మందును ఉత్పత్తి చేస్తున్న జాన్సన్ అండ్ జాన్సన్ సంస్థపై కోర్టుకు వెళ్లాడు. ఈ ఔషధం వాడకం వల్ల పురుషుల్లో ఛాతి పెరుగుతుందనే విషయాన్ని సంస్థ పేర్కొనలేదని, దీంతో తనకు ఛాతి పెరిగిందని పేర్కొన్నాడు.

8 బిలియన్ డాలర్లు చెల్లించాలని ఆదేశం..

దీనిని విచారించిన ఫిలడెల్ఫియా కోర్టు బాధితుడుకి 8 బిలియన్ డాలర్లు చెల్లించాలని కంపెనీని ఆదేశించింది. అయితే కోర్టు తీర్పుపై కంపెనీ అభ్యంతరం వ్యక్తం చేసింది. ఈ తీర్పును కోర్టు వెనక్కి తీసుకుంటుందని భావిస్తున్నట్లు కంపెనీ తరఫు లాయర్ చెప్పారు.

2015లో తీర్పు వచ్చినా..

అతను జే అండ్ జే డ్రగ్‌ను 2003 నుంచి 2008 వరకు ఉపయోగించాడు. ఆ కాలంలో అతని ఛాతి వక్షోజాల్లా పెరిగింది. ఈ కేసులో 2015లోనే ఓ జడ్జి తీర్పు చెప్పారు. బాధితుడికి 680,000 డాలర్లు చెల్లించాలని ఆదేశించారు. అయితే ప్యునిటివ్ డ్యామేజెస్ ఇంక్లూడ్ కాలేదు. ఇప్పుడు అతనికి 8 బిలియన్ డాలర్లు చెల్లించాలని కోర్టు ఆదేశించింది.