బెంగళూరు: గత ఏడాది కాగ్నిజెంట్ సీఈవో పదవి నుంచి వైదొలిగిన ఫ్రాన్సిస్కో డిసౌజా తన పదవీ కాలంలో జీతభత్యాలు కలిపి 191.4 మిలియన్ డాలర్లు ఆర్జించారు. ఆయన 2007 నుంచి 2018 వరకు అంటే దాదాపు 12 ఏళ్లు సీఈవోగా ఉన్నారు. యూఎస్ కంపెన్షేషన్ రీసెర్చ్ ఫర్మ్ ఈక్విలియర్ ప్రకారం ఇందులో ఎక్కువగా స్టాక్స్, ఆప్షన్స్ ద్వారా వచ్చాయి.

కాగ్నిజెంట్ వార్షిక ప్రాక్సీ పట్టిక ప్రకారం డిసౌజాకు ఇది 104.3 మిలియన్ డాలర్లు అధికం. అయితే ఆయన కాలంలో స్టాక్స్ మంచి పర్ఫార్మెన్స్‌కు గాను ఈ వ్యత్యాసం కనిపిస్తోంది.

బహిర్గతం చేసిన ఈక్విటీ విలువలు మంజూరు చేసే తేదీకి అనుగుణంగా ఉంటాయి. అయితే అసలు వ్యాల్యూ ఇటీవలి ఆర్థిక సంవత్సరం ముగింపు నాటికి తయారు చేయబడతాయి. కాబట్టి గతంలో స్టాక్స్‌కు ఉన్న వ్యాల్యూ కంటే భారీగా పెరుగుతుంది.

ఉదాహరణకు 2016లో అతను భారీగా ఆర్జించారు. అతనికి కేటాయించింది 8.3 మిలియన్ డాలర్లు అయితే ముగింపు సమయానికి అది దాదాపు నాలుగు రెట్లు అయి 32.9కి చేరుకుంది.

2007లో 3.7 మిలియన్ డాలర్లు ఉండగా, 3.2 మిలియన్ డాలర్లు, 2008లో 0.8 మిలియన్ డాలర్లు కేటాయించగా 6.5 మిలియన్ డాలర్లు వచ్చాయి. 2009లో నివేదించిన వేతనం 5.6 మిలియన్ డాలర్లు కాగా, పొందిన వేతనం 14.6 మిలియన్ డాలర్లు, 2010లో 11.2 మిలియన్ డాలర్లు కాగా 19.1 మిలియన్ డాలర్లు, 2011లో 11.9 కాగా అంతేమొత్తం పొందారు.

2012లో 10.6 మిలియన్ డాలర్లు నివేదించగా పొందిన మొత్తం 28.1 మిలియన్ డాలర్లు, 2013లో 11.3 మిలియన్ డాలర్లు కాగా, 18 మిలియన్ డాలర్లు, 2014లో 11.3 మిలియన్ డాలర్లు కాగా 14.9 మిలియన్ డాలర్లు, 2015లో 12 మిలియన్ డాలర్లు కాగా 19.4 మిలియన్ డాలర్లు, 2016లో 8.3 మిలియన్ డాలర్లు కాగా, 32.9 మిలియన్ డాలర్లు, 2017లో 12.5 మిలియన్ డాలర్లు నివేదించగా పొందినది 28.6 మిలియన్ డాలర్లు. 2008లో మినహా ప్రతి ఏడాది నివేదించిన వేతనం కంటే ఎక్కువే ఆర్జించారు. డిసౌజా సమయంలో కంపెనీ రెవెన్యూ విప్రో, ఇన్ఫోసిస్‌లను దాటింది.