అందుకే వ్యయం పెరుగుతోంది...

గత జూలై నాటి పరిస్థితులతో పోలిస్తే సెప్టెంబర్ నాటికి వినియోగదారుల్లో విశ్వాసం చాలామటుకు సన్నగిల్లింది. భవిష్యత్తు ఆదాయాల పెరుగుదలపై వారు పెద్దగా ఆశలు కూడా పెట్టుకోలేదు. గత ఏడాది కాలంతో పోలిస్తే ప్రస్తుతం నిత్యావసర వస్తువుల ధరలు పెరిగినట్లు అభిప్రాయపడ్డారు. భవిష్యత్తులో మరింత పెరుగుతాయని చెప్పారు. ఇలాంటి కారణాలతో వ్యయం పెరిగినట్లు తెలిపారు. సర్వే నిర్వహించిన నగరాల్లో హైదరాబాద్ కూడా ఉంది.

2014లో మోడీ ప్రధాని అయ్యాక అత్యల్పం ఇదే

2008 ఆర్థిక సంక్షోభం తర్వాత మళ్లీ ప్రస్తుత సెప్టెంబర్ నెలలోనే బిజినెస్ క్లైమేట్ దారుణంగా ఉందని అభిప్రాయపడ్డారు. కన్స్యూమర్ కాన్ఫిడెన్స్ ఇండెక్స్ (CCI) గత త్రైమాసికంలో 95.7 నుంచి 89.4 శాతానికి పడిపోయింది. 2014లో నరేంద్ర మోడీ ప్రధాని అయిన తర్వాత కనిష్టం ఇదే కావడం గమనార్హం. యూపీఏ 2 హయాంలో 2013 సెప్టెంబర్ నెలలో ఈ ఇండెక్స్ 88గా ఉంది. అంటే మోడీ హయాంలో కంటే కాంగ్రెస్ హయాంలో విశ్వాస సూచీ చాలా తక్కువగా ఉంది. కానీ మోడీ అధికారంలోకి వచ్చాక మాత్రం ఇది అత్యల్పం.

సర్వేలో పాల్గొన్నవారు ఏం చెప్పారంటే...

సర్వేలో పాల్గొన్నవారిలో శాతం మంది సాధారణ ఆర్థిక పరిస్థితి మరింత దిగజారిందని, 33.5 శాతం మంది మాత్రం మెరుగుపడిందన్నారు. ప్రస్తుత పరిస్థితిని ఏడాది కాలంలోనే అధిగమిస్తామని 53 శాతం మంది చెప్పారు. అయితే మూడు నెలల్లో ఈ సంఖ్య 6 శాతం మేర తగ్గింది.

ధరలు పెరుగుతున్నాయి...

ఉపాధి అవకాశాలు సన్నగిల్లాయని సగంమంది చెప్పగా, ఈ ఏడాది మెరుగుపడుతుందని కూడా చెప్పారు. ఇప్పటికే ధరలు పెరిగాయని, రాబోవు కాలంలో మరింత పెరుగుతాయని చెప్పారు.

మోడీ హయాంలో 100లోపు, 100కు పైగా ఇండెక్స్

2013 సెప్టెంబర్ నెలలో ఇండెక్స్ 88గా ఉండగా, 2014లో మోడీ అధికారంలోకి వచ్చిన సెప్టెంబర్ నెలలో ఇది 103.1గా ఉంది. 2016 నవంబర్ నెలలో నోట్ల రద్దు అనంతరం కూడా ఆ తర్వాత నెల డిసెంబర్‌లో ఇది 102గా ఉంది. ఇండెక్స్ 100కు పైగా ఉంటే సానుకూలం. ఆ తర్వాత కొంతకాలం 100కు తగ్గింది. 2019 ఎన్నికల సమయంలోను అంటే మార్చిలో ఈ ఇండెక్స్ 104.6 గా ఉంది. 2016 డిసెంబర్ తర్వాత 2019 మార్చిలోనే ఇండెక్స్ 100 దాటింది.

ఫ్యూచర్ ఇండెక్స్

సార్వత్రిక ఎన్నికల అనంతరం 2019 మే నెలలో సీసీఐ ఇండెక్స్ 97.3 శాతానికి పడిపోయింది. సెప్టెంబర్ నెలలో 89.4 శాతానికి తగ్గింది. అదే సమయంలో భవిష్యత్తు అంచనా విషయానికి వస్తే 2019 జూలైలో 124.8గా ఉంటే, సెప్టెంబర్‌లో 6 తగ్గి 118గా ఉంది.

జూలై, సెప్టెంబర్ నెలల్లో కన్స్యూమర్ విశ్వాసం ఇలా...

ఈ ఏడాది జూలై, సెప్టెంబర్ నెలల్లో కన్స్యూమర్ విశ్వాసం వరుసగా ఇలా ఉంది... ఆర్థిక పరిస్థితి జూలైలో -1.0, సెప్టెంబర్‌లో -14.4, ఉద్యోగాలు -13.1, -24.5, ధరలస్థాయి -78.8, -82.8గా ఉన్నాయి.

ఆదాయం జూలైలో 2.9, సెప్టెంబర్‌లో -1.7, వ్యయం 68.8, 70.3గా ఉంది. వినియోగదారుల విశ్వాస సూచి జూలైలో 95.7, సెప్టెంబర్‌లో 89.4గా ఉంది.