తెలుగు రాష్ట్రాల్లో బంగారం ధర...

బంగారం ధర కొద్దిగా పెరగగా, వెండి ధర మాత్రం స్థిరంగా ఉంది. కిలో వెండి ధర రూ.50,070 వద్ద నిలకడగా ఉంది. నాణేల తయారీదారుల నుంచి డిమాండ్ లేకపోవడం వంటి వివిధ కారణాలతో వెండికి డిమాండ్ లేదు. హైదరాబాద్, విజయవాడ, విశాఖపట్నంలలో ధరలు దాదాపు అటు ఇటుగా ఇలాగే ఉన్నాయి. ఢిల్లీ మార్కెట్లో పది గ్రాముల 24 క్యారెట్ల బంగారం ధర స్థిరంగా ఉంది. రూ.38,100 వద్ద ఉంది. 22 క్యారెట్ల 10 గ్రాముల బంగారం ధర రూ.36,900గా ఉంది. కిలో వెండి రూ.50,070గా ఉంది.

ఔన్స్ బంగారం 1600 డాలర్లకు చేరుకోవచ్చు

భౌగోళిక రాజకీయ పరిస్థితుల నేపథ్యంలో బంగారం ధరలు త్వరలో ఔన్సుకు 1600 డాలర్ల వరకు పెరగవచ్చునని నిపుణులు అంచనా వేస్తున్నారు. అమెరికా - చైనా ట్రేడ్ టాక్స్, బలహీనమైన ప్రపంచ వృద్ధి, ఫెడరల్ రిజర్వ్ బ్యాంక్ కారణంగా బంగారం ధర పెరుగుతుందని భావిస్తున్నారు. మంగళవారం ఔన్స్ బంగారం 1540 డాలర్లుగా ఉంది. అంతకుముందు పలు సెషన్లలో బంగారం ధర పడిపోయింది. కానీ మంగళవారం పెరిగింది.

బంగారం ధరలు పెరగొచ్చు..

స్వల్పకాలిక విరామం అనంతరం బంగారం ధరలు మళ్లీ పెరిగేందుకు సిద్ధంగా ఉన్నాయని అంచనా వేస్తున్నారు. పెట్టుబడులకు స్వర్గదామంగా భావిస్తూ పసిడిని ఇప్పటికీ కొనుగోలు చేస్తున్నారని అంటున్నారు. బంగారం ర్యాలీ కొద్ది కాలం నిలిచినప్పటికీ, ఇది ఔన్స్ 1600 డాలర్లకు చేరుకుంటుందని చెబుతున్నారు. ఇందుకు అంతర్జాతీయ పరిణామాలు కారణం అంటున్నారు.

మన దేశంలో భారీగా పెరుగుతుందా?

మన దేశంలోను బంగారం ధరలు పెరుగుతాయని భావిస్తున్నారు. అంతర్జాతీయ పరిణామాలకు తోడు పండుగ సీజన్ వస్తోంది. ఈ నేపథ్యంలో బంగారం ధరలు ఎక్కువ పెరగవచ్చునని చెబుతున్నారు. దసరా, దీపావళి పండుగ సందర్భాల్లో భారత్‌లో సేల్స్ ఎక్కువగా ఉంటాయి. ఔన్స్ బంగారం 1600 డాలర్లకు చేరుకుంటే మన దేశంలోను భారీగా పెరగవచ్చునని చెబుతున్నారు.