రుణమేళాలో ఇవి అందుబాటులో..

ఈ గ్రామీణ రుణ మేళాలో బ్యాంకు ప్రాడక్ట్స్ అన్నీ ఒకేచోట ఉంటాయి. వినియోగదారులు ట్రాక్టర్, ఆటో, టీ-వీలర్, అగ్రి లోన్స్ పొందడంతో పాటు సేవింగ్/కరెంట్ అకౌంట్ ఓపెన్ చేయడం వంటి అన్ని సౌకర్యాలు ఉంటాయి. అంతేకాకుండా స్వయం సహాయక బృందాలు (SHGs) కూడా సులభతర ఫైనాన్స్ పొందవచ్చు.

మేళాలో ప్రదర్శన

టోల్ ఫ్రీ నెంబర్‌కు డయల్ చేయడం ద్వారా ఖాతా బ్యాలెన్స్ తనిఖీ చేయడం, చెక్ బుక్స్ ఆర్డర్ చేయడం వంటి ప్రాథమిక బ్యాంకింగ్ లావాదేవీలను పూర్తి చేయడానికి వినియోగదారులను అనుమతించే మిస్డ్ కాల్ బ్యాంకింగ్ వంటి సేవలు మేళాలో ప్రదర్శిస్తారు.

ప్రతి ఇంటికి బ్యాంకింగ్ ఉత్పత్తులు

బ్యాంకింగ్ ఉత్పత్తులను ప్రతి ఇంటికి తీసుకు వెళ్లాలని భావిస్తున్నామని, ఇందులో భాగంగా గ్రామీణ లోన్ మేళాను నిర్వహిస్తున్నామని హెచ్‌డీఎఫ్‌సీ బ్యాంక్ కంట్రీ హెడ్ (బ్రాంచ్ బ్యాంకింగ్) అరవింద్ వోహ్రా తెలిపారు. కాగా, బ్యాంకింగ్ సేవల గురించి ప్రజలకు అవగాహన కల్పించడానికి లోన్ మేళాలు ఓ వేదికగా ఉపయోగపడతాయి. రుణప్రవాహం పెంచేందుకు 400 జి్లాల్లో రుణమేలాలు నిర్వహించాలని ఇటీవల ప్రభుత్వం PSU రంగ బ్యాంకులను కోరిన విషయం తెలిసిందే.