మూడేళ్ళ 1 బిలియన్ క్యూబిక్ ఫీట్ల ఉత్పత్తి ...

కేజీ బేసిన్ లోని మూడు క్షేత్రాల నుంచి వచ్చే మూడేళ్ళలో భారీగా సహజ వాయు ను ఉత్పత్తి చేయనున్నారు. 2022 నాటికీ పూర్తి కానుందని భావిస్తున్న ఈ కెప్టెన్సీ నుంచి రోజుకు దాదాపు 1 బిలియన్ క్యూబిక్ ఫీట్ల మేరకు సహజ వాయు లభిస్తుంది. దీంతో రోజుకు అమెరికాలోని గృహాలన్నిటికీ ప్రతి రోజూ సరిపోయేంత గ్యాస్ ను అందించా వచ్చు అని నిపుణులు పేర్కొంటున్నారు. అదే భారత దేశంలో అయితే, కనీసం 10 కోట్ల గృహాలకు గ్యాస్ ను ప్రతి రోజూ సరఫరా చేయ వచ్చని అంచనా వేస్తున్నారు.

ఆక్షన్ ప్రారంభం...

అయితే, ఈ గ్యాస్ ను కొనుగోలు చేసేందుకు రిలయన్స్ ఇండస్ట్రీస్, బ్రిటిష్ పెట్రోలియం కంపెనీలు ఆక్షన్ ప్రక్రియను ప్రారంభించాయి. అక్టోబర్ 10 వరకు బిడ్డింగ్ వేసేందుకు కొనుగోలు దారులను అవకాశం కల్పిస్తున్నాయి. ఈ ఆక్షన్ ప్రక్రియను నిర్వహించేందుకు క్రిసిల్ రిస్క్ అండ్ ఇన్ఫ్రాస్ట్రక్చర్ సోలుషన్స్ అనే సంస్థను నియమించాయి. ఈ విషయాన్నీ ది ఎకనామిక్ టైమ్స్ తన కథనంలో వెల్లడించింది. బ్రెంట్ ఆయిల్ ధరల తో ఆక్షన్ బిడ్డింగ్ కు లింక్ చేశారు. బిడ్డెర్లు నిర్ణీత బ్రెంట్ ఆయిల్ ధరల కంటే 9% కంటే తక్కువకు కోట్ చేయరాదని నిబంధన విధించారు. గురువారం నాటికీ బ్రెంట్ ఆయిల్ ధర బారెల్ కు 60. 71 డాలర్లు గా ఉంది. దీంతో ఫ్లోర్ ధరను ప్రతి MMBTU (మెట్రిక్ బ్రిటిష్ థర్మల్ యూనిట్) కు 5.46 డాలర్లు గా నిర్ణయించారు.

తగ్గిన గ్యాస్ ధరలు...

ఇదిలా ఉంటె, ప్రపంచ వ్యాప్తంగా లిక్విఫీడ్ నాచురల్ గ్యాస్ (ఎల్ ఎం జీ ) ధరలు భారీగా పతనం అయ్యాయి. ఇదే విషయం ఇప్పుడు రిలయన్స్ ఇండస్ట్రీస్, బ్రిటిష్ పెట్రోలియం ను ఆందోళనకు గురి చేస్తున్నాయి. ప్రస్తుతం స్పాట్ మార్కెట్ లో ఎల్ ఎం జీ ధరలు MMBTU కు కేవలం 4 డాలర్లు పలుకుతున్నాయి. అంటే, రిలయన్స్ నిర్ణయించిన ధరకంటే ప్రతి MMBTU కు 1.5 డాలర్ల మేరకు తక్కువకు గ్యాస్ లభిస్తుంది. ఈ నేపథ్యంలో రిలయన్స్ గ్యాస్ ఆక్షన్ కు ఈ మేరకు స్పందన లభిస్తుందో చూడాలని విశ్లేషకులు పేర్కొంటున్నారు.

గ్యాస్ మంచిదే...

అయితే, మన దేశం లో కాలుష్యాన్ని తగ్గించేందుకు ప్రభుత్వం అనేక చర్యలు తీసుకొంటోంది. ముఖ్యంగా ఆటోమొబైల్ రంగంలో ఈ తేడా స్పష్టంగా చూడ వచ్చు. ఎలక్ట్రిక్ వాహనాలు, CNG , LNG ఆధారితంగా పనిచేసే వాహనాలకు ప్రాధాన్యం లభిస్తోంది. పన్నులు కూడా వీటికి తక్కువ. పైగా బ్యాంకు రుణాలు తీసుకొంటే వ్యక్తిగత ఆదయ పన్నులో మినహాయింపులు కూడా లభిస్తున్నాయి. ఈ నేపథ్యంలో భారత్ లో రిలయన్స్ LNG అందుబాటులోకి వస్తే ... అటు వాహనాలు, ఇటు గృహాలకు స్వచ్ఛమైన ఇంధనాన్ని సరఫరా చేయవచ్చు. దీంతో పర్యావరణానికి కొంత మేలు చేసిన వరం అవుతామని నిపుణులు చెబుతున్నారు.