ప్రముఖ పాలఉత్పత్తిదారు మదర్ డెయిరీ శుక్రవారం నుంచి తమ ఆవు పాలు ధరలను రూ.2కు పెంచింది. ఢిల్లీ-ఎన్సీఆర్ పరిధిలో పెంచిన ఈ ధరలు ఈ రోజు (6-9-2019) నుంచి అమలులోకి వస్తాయని తెలిపింది. ధర పెరిగిన తర్వాత రూ.44కు చేరుకుంది. ధరలు పెరగడానికి కారణాలు ఉన్నాయి. రైతుల నుంచి పాలు సేకరించేందుకు వారికి మదర్ డెయిరీ ఎక్కువగా చెల్లిస్తోంది. దీంతో ధరను పెంచింది.

ఈ ధరలు పెరిగినప్పటికీ ఇతర పాల వెరైటీ ధరల్లో పెరుగుదల ఉండదని తెలిపింది. గత రెండు నుంచి మూడు నెలల్లో ఆవు పాలకు లీటరుకు రూ.2.50 నుంచి రూ.3 వరకు ఎక్కువగా ఇస్తోందట మదర్ డెయిరీ. దీంతో కౌమిల్క్ వేరియంట్ ధర భారం కొంత వినియోగదారులపై వేస్తున్నట్లు వెల్లడించారు.

సెప్టెంబర్ 6, 2019 నుంచి అమలులోకి వచ్చే ధరలు అర లీటరు ఆవు పాల ధర రూ.23, లీటర్ పాల ధర రూ.44కు పెంచినట్లు తెలిపింది. ఇతర వేరియంట్ల పాల ధరలను పెంచడం లేదని తెలిపింది. ఢిల్లీ-ఎన్సీఆర్ ప్రాంతంలో మదర్ డెయిరీకు రైతులు రోజుకు సుమారు 30 లక్షల లీటర్ల పాలను సరఫరా చేస్తారు. అందులో 8 లక్షల లీటర్లు ఆవు పాలు.

ఈ ఏడాది మే నెలలో కంపెనీ పాల ధరను లీటరుకు రూ.2 పెంచింది. ఆవు పాల విషయంలో ఒక లీటర్ ప్యాక్‌లో పెరుగుదల లేదు. కానీ అర్ధలీటరు ప్యాక్ ధరను మాత్రం రూ.1కి పెంచింది.