గణేష్ చతుర్థికి కళ్లు చెదిరేలా అంబానీ ఇల్లు ముస్తాబు, ఖర్చు ఎంతంటే?
ముంబై: రిలయన్స్ చైర్పర్సన్ ముఖేష్ అంబానీకి చెందిన ఇల్లు ఆంటీలియా గణేష్ చతుర్థి సందర్భంగా అందంగా ముస్తాబు చేశారు. అంబానీ కోడలు శ్లోక మెహతాకు ఇది తొలి వినాయక చవితి. దీంతో ఆంటిలీనాను సర్వాంగ సుందరంగా తీర్చిదిద్దారు. ఇందుకు సంబంధించిన వీడియో నెట్టింట వైరల్గా మారింది. ముంబైలో గణేష్ ఉత్సవాలను అత్యంత ఘనంగా నిర్వహిస్తారు. ఈ నేపథ్యంలో ముఖేష్ తన కోడలు ఇంట్లో అడుగుపెట్టిన తొలి గణపతి పండుగకు ఇంటిని ముస్తాబు చేయడంతో పాటు ప్రముఖులను ఆహ్వానించారు.
ATM కార్డు తిరిగిచ్చే టైం! SBI కస్టమర్స్ తెలుసుకోవాలి
ఇల్లు మాత్రమే కాదు... వీధి కూడా
అత్యాదునిక సదుపాయాలతో ఇంద్ర భవనాన్ని తలపించేలా ఉన్న అంబానీ ఇల్లు ఆంటీలియాను విద్యుత్ దీపాలతో చాలా అందంగా ముస్తాబు చేశారు. కేవలం ఇల్లు మాత్రమే కాదు ఆ వీధి మొత్తం వెలుగులతో నిండిపోయింది. ఈ సందర్భంగా పలువురు ఫోటోలు, వీడియోలు తీసి సోషల్ మీడియాలో పోస్ట్ చేసారు. ఇవి వైరల్ అవుతున్నాయి.
ఈ పండుగ ఎంతో ప్రత్యేకం
ఈ వినాయక చవితి అంబానీ కుటుంబ సభ్యులకు ఎంతో ప్రత్యేకం. ఎందుకంటే వీరి కూతురు ఇషా అంబానీ-ఆనంద్ పిరమిల్ వివాహం, అలాగే ఆకశ్ అంబానీ- శ్లోక మెహతా పెళ్లి తర్వాత ఈ ఇంట్లో తొలి గణేష్ చతుర్థి ఇది. దీంతో ఈ కుటుంబం పండుగను అత్యంత వైభవంగా జరుపుకుంది.
ప్రత్యేక ఆహ్వాన పత్రిక
వారం రోజుల క్రితం అంబానీ ఫ్యామిలీ సన్నిహితులను ఈ పండుగ కోసం ఆహ్వానించింది. దీని కోసం అంబానీ దంపతులు ప్రత్యేక ఆహ్వాన పత్రికను డిజైన్ చేయించారు. దాదాపు ఈ అలంకరణ ఖర్చు రూ.1 కోటి వరకు ఉంటుందని అంచనా వేస్తున్నారు. ఆంటీలియా విద్యుత్ దీపాలతో మెరిసిపోయింది.
వేలాడుతున్న స్వస్తిక్స్,.. ఓమ్..
ఆంటీలియాను, ఆ రోడ్డును ఆరెంజ్, తెలుపు రంగు పువ్వులతో అలంకరించారు. ఇంటి ముందు వేలాడుతున్న స్వస్తిక్స్, ఓమ్లు ఏర్పాటు చేశారు. అంబానీ కుటుంబ సభ్యులు ప్రతి ఏడాది గణేష్ చతుర్థిని ఘనంగా నిర్వహిస్తారు. ఈసారి కాస్త స్పెషల్గా అలంకరించారు.
బాలీవుడ్ సెలబ్రిటీలు...
గణేష్ చతుర్థి ఉత్సవాల్లో అమితాబ్ బచ్చన్, రణ్బీర్ కపూర్, అలియా భట్, అమీర్ ఖాన్, విక్కీ కౌషల్, సచిన్ టెండుల్కర్, అనిల్ కపూర్, హార్దిక్ పాండ్యా, యువరాజ్ సింగ్ తదితర సెలబ్రీటీలు కూడా పాల్గొన్నారు.