అమ్మో... ఎల్ఐసీ ఆస్తులు ఎంతో తెలుసా?

ఎల్ఐసీ 5.68 శాతం వృద్ధి

* 2018-19 సంవత్సరంలో తొలి సంవత్సరం ప్రీమియం పరంగా కొత్త వ్యాపారంలో ఎల్ఐసీ 5.68 శాతం వృద్ధి సాధించింది.

* ఈ ఏడాది మార్చి చివరినాటికి తొలి సంవత్సర ప్రీమియం రూ.1,42,192 కోట్ల వరకు ఉంది. మార్కెట్ వాటా 66.24 శాతంగా ఉంది. పాలసీల పరంగా మార్కెట్ వాటా 74.71 శాతంగా ఉంది. ఈ ఏడాది మార్చి చివరినాటికి కొత్తపాలసీలు 2.1 కోట్ల కొత్త పాలసీలను జారీ చేసింది.

* 2018-19 సంవత్సరంలో ఎల్ఐ సి 2.60 కోట్ల క్లెయిమ్ లను సెటిల్ చేసింది. వీటి విలువ రూ. 1,63,104.50 కోట్లుగా ఉంది. క్లైమ్స్ సెటిల్ మెంట్ లో ఎల్ఐసి నెంబర్ వన్ స్థానంలో ఉంది.

ఇదీ చరిత్ర

* ఎల్ఐసీ 1956 సంవత్సరంలో 168 కార్యాలయాలతో కార్యకలాపాలు ప్రారంభించింది. ఇప్పుడీ సంస్థకు 4,851 కార్యాలయాలున్నాయి.

* 1956లో ఎల్ఐసీ ప్రారంభ మూలధనం రూ.5 కోట్లు.

* సెప్టెంబర్ 1వ తేదీతో ఎల్ఐసీ ప్రారంభమై 63 ఏళ్ళు పూర్తయింది.

* ఎల్ఐసీ భౌతిక రూపంలో పాలసీ డాక్యుమెంట్లతో పాటు ఈపాలసీని జారీ చేస్తోంది.

* ఈ సంస్థలో లక్షకు పైగా ఉద్యోగులున్నారు. 11.79 లక్షల ఏజెంట్లున్నారు. ఇప్పటివరకు 29.09 కోట్లకు పైగా పాలసీలను ఎల్ఐసీ జారీ చేసింది.

టెక్నాలజీ రంగంలో ముందడుగు...

* పాలసీదారులకు ఎల్ఐసీ మెరుగైన సేవలు అందిస్తోంది. తన పోర్టల్ లో చాలా మార్పులు చేసింది. దీని వల్ల పాలసీదారులు సులభంగా తమ పాలసీలకు సంభందించిన వివరాలు తెలుసుకునే అవకాశం ఉంటోంది. పాలసీల ప్రీమియం కూడా చాలా సులభంగా చెల్లించవచ్చు.

* ఆన్ లైన్ సర్వీసులకు 1.13 కోట్లకు పైగా రిజిస్టర్డ్ యూజర్లున్నారు. సగటున రోజువారీ లక్షకు పైగా వినియోగదారులు లాగిన్ అవుతున్నారు.