రూ.15.50 పెరిగిన ధర

ఇంటి అవసరాల కోసం వినియోగించే లిక్విడ్ పెట్రోలియం గ్యాస్ రేటు తగ్గి నెల రోజులు గడవకముందే సెప్టెంబర్ 1వ తేదీ నుంచి మళ్లీ ధరలు పెరిగాయి. తాజాగా వంట గ్యాస్ సిలిండర్ ధర ఢిల్లీలో రూ.15.50 పెంచినట్లు ప్రభుత్వరంగ ఇంధన రిటైల్ సంస్థలు వెల్లడించాయి. ప్రస్తుతం సిలిండర్ ధర రూ.574.50 ఉండగా పెరిగిన ధరతో రూ.590కి చేరుకుంది. ఈ మార్పులు ఆదివారం నుంచి (సెప్టెంబర్ 1) అమల్లోకి వచ్చాయి. డాలర్‌తో రూపాయి మారకం విలువ తగ్గడం, ఇన్‌పుట్ కాస్ట్ పెరగడం, ధరల పెరుగుదల.. వంటి ప్రభావం ధరలపై పడిందన్నారు.

ఇంధన ధరలు..

ఎల్పీజీతో పాటు ఇంధన సంస్థలు విమాన ఇంధన ధరలు సవరించాయి. అంతర్జాతీయ ఆయిల్ ధరలు నిలకడగా ఉండటంతో జెట్ ధరను తగ్గించనట్లు ఇంధన సంస్థలు తెలిపాయి. దీంతో విమాన ఇంధన ధర నాలుగు నెలల కనిష్టానికి తగ్గినట్లయింది.

కిరోసిన్ ధర

కిరోసిన్ ధర కూడా పెరిగింది. ముంబైలో గత నెలలో రూ.32.97 ఉన్న ధర ఇప్పుడు రూ.33.27 గా ఉంది. 2016 జూలై నుంచి కిరోసిన్ పైన ప్రతి నెల 25 పైసలు పెంచుతున్నారు. కాగా సబ్సిడీ సిలిండర్ ధరలు ఇటీవలే రూ.62 వరకు తగ్గించారు. నెల రోజుల తర్వాత కాస్త పెంచారు.