ధర ఎందుకు తగ్గిందంటే..

* ప్రముఖ సబ్బుల తయారీ కంపెనీలు తమ ఉత్పత్తుల ధరలను తగ్గించడానికి కారణం సబ్బుల్లో వినియోగించే పామ్ ఆయిల్ ధరలు తగ్గడమే. అంతేకాకుండా సబ్బుల విభాగంలో వృద్ధి అంతంత మాత్రంగా ఉంటోంది. ఈ రెండు అంశాలను దృష్టిలో ఉంచుకొని కంపెనీలు ధరల తగ్గింపు నిర్ణయం తీసుకున్నాయి. పోటీ పెరగడం కూడా ధరలు సవరించడానికి కారణమని పరిశ్రమ వర్గాలు చెబుతున్నాయి.

ఎఫ్ ఎం సి జీ ఉత్పత్తుల అమ్మకాలు కొంతకాలంగా తగ్గుతున్నాయి. వీటిలో సబ్బులు, సాల్టీ స్నాక్స్, బిస్కెట్లు, స్పైసెస్, టాయిలెట్ సోప్స్, ప్యాకేజ్డ్ టీ వంటివి కూడా ఉన్నాయి. వీటి అమ్మకాలను పెంచుకోవడానికి ధరలను సవరించక తప్పడం లేదు.

వివిధ రకాల సబ్బుల ధరలు...

* హిందుస్థాన్ యూనీలీవర్ లిమిటెడ్ బాగా ప్రాచుర్యం పొందిన లక్స్, లైఫ్ బాయ్, డౌ వంటి సబ్బుల ధరలు గత నెలలో తగ్గించింది.

* లక్స్, లైఫ్ బాయ్ సబ్బుల ధరలను ఈ కంపెనీ 4 శాతం నుంచి 6 శాతం వరకు తగ్గించింది. కొన్ని పాక్స్ పై ధర మరి కాస్త ఎక్కవ గానే ఉందట.

* విప్రో కన్స్యూమర్ కేర్ కూడా సంతూర్ సబ్బుల ధరలను తగ్గించింది.

* సబ్బుల ధరలను తగ్గించిన నేపథ్యంలో వినియోగం పెరగడానికి అవకాశం ఉంటుందని కంపెనీలు భావిస్తున్నాయి.

* ఐటీసీ కంపెనీ కూడా తన సబ్బుల ధరలను తగ్గించింది. ధరలను తగ్గించడం వల్ల అమ్మకాలు పుంజుకుంటాయని కంపెనీలు భావిస్తున్నాయి.

మందగమనం దెబ్బ

* దేశ ఆర్థిక వ్యవస్థలో మందగమనం వల్ల అన్ని రంగాలపై ప్రభావం పడుతోంది. ఆటోమొబైల్, ఎఫ్ ఎం సీజీ తదితర రంగాలు అమ్మకాలు తగ్గడం తో ఇబ్బందులను ఎదుర్కొంటున్నాయి. విక్రయాలు క్షిణించడం వల్ల కంపెనీలు ఉత్పత్తిని తగ్గించి వేస్తున్నాయి. ఈ మేరకు ఉద్యోగులపై కంపెనీలు వేటు వేస్తున్న విషయం తెలిసిందే.