ఢిల్లీలో ధరలు...

ఫెస్టివెల్ సీజన్ ప్రారంభమైంది. దీంతో జ్యువెల్లర్స్ నుంచి డిమాండ్ పెరిగింది. అలాగే ఇన్వెస్టర్లు కూడా పసిడి సురక్షితమైనదిగా భావిస్తున్నారు. ఢిల్లీలో99.9 ప్యూరిటీ కలిగిన బంగారం రూ.300 పెరిగి రూ.39,970గా, 99.5 ప్యూరిటీ కలిగిన బంగారం రూ.300 పెరిగి రూ.39,800గా ఉంది. సావరీన్ గోల్డ్ ధర కూడా రూ.300 పెరిగి రూ.29,800గా (8 గ్రాములు) ఉంది.

అంతర్జాతీయ మార్కెట్లో...

అంతర్జాతీయ మార్కెట్లో స్పాట్ బంగారం ఆరేళ్ల గరిష్టానికి చేరుకొని స్థిరంగా ఉంది. ఇంట్రాడేలో స్పాడ్ గోల్డ్ 0.3 శాతం పెరిగి ఔన్స్ $1,537.21గా ఉంది. రెండు రోజుల క్రితం సోమవారం ఇది $1554.56గా ఉంది.

బంగారానికి రెక్కలు...

కాగా, గత కొంతకాలంగా బంగారానికి రెక్కలు వచ్చాయి. ఆరేళ్లలో ఎప్పుడూ ఇంత స్థాయిలో బంగారం పెరగలేదు. భవిష్యత్తులో మళ్లీ పెరిగే అవకాశాలు ఉన్నాయంటున్నారు నిపుణులు. మంగళవారం రోజున పుత్తడి ధరలు అమాంతంగా పెరిగిపోయాకా... ఆ తర్వాత స్థిరంగానే ఉన్నాయి. బంగారం ధరలు ఒక్కసారిగా పెరగిపోవడానికి కారణం ఏమిటి..? అమెరికా చైనాల మధ్య వాణిజ్య యుద్ధం జరుగుతున్న సంగతి తెలిసిందే. దీంతో ప్రపంచ మార్కెట్లలో నెగిటివ్ టాక్ రావడం, మార్కెట్లు సానుకూలంగా ట్రేడ్ కాకపోవడం వంటి అంశాలు బంగారం ధరల పెరుగుదలకు కారణమని నిపుణులు చెబుతున్నారు. 2007 తర్వాత అమెరికా మార్కెట్లలో ఈ స్థాయిలో బంగారం ధరలు పెరగడం ఇదే తొలిసారి. బంగారంపై ఇన్వెస్ట్ చేసేందుకు చాలామంది ఆసక్తి చూపుతున్నట్లు నిపుణులు చెబుతున్నారు. మ్యూచువల్ ఫండ్స్, ఈక్విటీస్, రియల్ ఎస్టేట్‌, ఫిక్స్‌డ్ డిపాజిట్లలో ఇన్వెస్ట్ చేసేదానికంటే బంగారంలో ఇన్వెస్ట్ చేసేందుకు మొగ్గు చూపుతున్నారట.