మల్టీ క్యాప్ ఫండ్ అంటే?

* మల్టీ క్యాప్ మ్యూచువల్ ఫండ్స్ లో లార్జ్ క్యాప్, మిడ్ క్యాప్, స్మాల్ క్యాప్ ఫండ్స్ ఉంటాయి. ఇది వివిధీకరించిన ఈక్విటీ మ్యూచువల్ ఫండ్. వివిధ షేర్లలో దీని ద్వారా పెట్టుబడి పెడతారు.

* సెబీ నిబంధనల ప్రకారం ఇలాంటి స్కీం లు ఈక్విటీ, ఈక్విటీ సంభందిత సాధనాల్లో కనీసం 65 శాతం పెట్టుబడి పెట్టాల్సి ఉంటుంది.

* ఈ పోర్ట్ ఫోలియో లో లార్జ్ క్యాప్, మిడ్ క్యాప్, స్మాల్ క్యాప్ కంపెనీల షేర్లు ఉంటాయి.

* విభిన్న రకాల మార్కెట్ క్యాపిటలైజేషన్, రంగాలకు చెందిన షేర్లు ఇందులో ఉంటాయి.

* ఈ పోర్ట్ ఫోలియో ద్వారా ఇన్వెస్టర్లు మంచి షేర్లను ఎంచుకునే అవకాశం ఉంటుంది.

మల్టీ క్యాప్ ఫండ్ కేటగిరీ ద్వారా

* మల్టీ క్యాప్ ఫండ్ కేటగిరీ ద్వారా ఫండ్ మేనేజర్లు ఫండ్ హోల్డింగ్స్ ను లార్జ్, మిడ్, స్మాల్ క్యాప్ స్టాక్స్ మధ్య మార్పులు చేసుకునే అవకాశం ఉంటుంది. మార్కెట్ లో చోటుచేసుకునే మార్పులకు అనుగుణంగా ఇవి చోటుచేసుకుంటాయి.

* మిడ్, స్మాల్ క్యాప్ లోని షేర్లు ఖరీదుగా మారితే ఫండ్ మేనేజర్ లార్జ్ క్యాప్ షేర్లను ఎంచుకుంటారు. లేదా ఇవి ఖరీదుగా మారితే మిడ్, స్మాల్ క్యాప్ షేర్లను ఎంచుకుంటారు.

* పూర్తిగా లార్జ్ క్యాప్ ఫండ్స్ అయితే తమ పోర్ట్ ఫోలియో లో కనీసం 80 శాతం టాప్ 100 షేర్లలో పెట్టుబడిగా పెట్టాల్సి ఉంటుంది.

* దీర్ఘ కాలంలో ఈ కేటగిరీ ఫండ్స్ పూర్తి మిడ్ క్యాప్, స్మాల్ క్యాప్ ఫండ్స్ తో పోల్చితే తక్కువ రిస్క్ ను కలిగి ఉంటాయి.

ఎవరు ఎంచుకోవచ్చు..

* రిస్కుతో పాటు మార్కెట్ హెచ్చుతగ్గులను సమం చేసుకోవాలనుకునే ఇన్వెస్టర్లు మల్టీ క్యాప్ ఫండ్స్ ను ఎంచుకోవచ్చు.

* మంచి రిటర్న్ ను ఇచ్చే షేర్లను ఎంచుకోవడంలో కష్టం ఉంటుంది. తమకు తగిన విధంగా ఉండే షేరును గుర్తించడం కూడా ఇబ్బందే. ఇలాంటి వారు మల్టీ క్యాప్ ఫండ్స్ పై దృష్టి సారించవచ్చని మార్కెట్ విశ్లేషకులు చెబుతున్నారు.

* లార్జ్ క్యాప్ ఫండ్స్ తో పోల్చితే మల్టీ క్యాప్ క్యాటగిరీ ఫండ్స్ ఎక్కువ సంపదను అందిస్తాయని అంటున్నారు.

* రిటైర్ మెంట్, ఉన్నత విద్య వంటి దీర్ఘ కాలిక ఆర్ధిక అవసరాలకు ఈ ఫండ్స్ బాగా దోహదపడతాయని చెబుతున్నారు.

* క్రమానుగత పెట్టుబడి ప్లాన్ (సిప్) ద్వారా పెట్టుబడులు పెట్టాలనుకునే వారు కూడా వీటిపై ద్రుష్టి సారించవచ్చని సూచిస్తున్నారు.