హైదరాబాద్: చైనాకు చెందిన సీఎంఎస్‌తో హైదరాబాద్ సన్ ఫార్మా ఇప్పటికే ఒప్పందం కుదుర్చుకుంది. చైనా పారిశ్రామికవేత్తలు తెలంగాణకు చెందిన ఫార్మా రంగంలో ఇన్వెస్ట్ చేసేందుకు ఆసక్తి కనబరుస్తున్నారు. ఫార్మా సిటీలో పరిశ్రమల స్థాపనకు చైనీస్ ఇన్వెస్టర్లు ముందుకు వస్తున్నారు. ఇక్కడి ఉత్పత్తులను దిగుమతి చేసుకునేందుకు సిద్ధంగా ఉన్నారు. ఈ క్రమంలో తెలంగాణ స్టేట్ ట్రేడింగ్ కార్పోరేషన్లో పర్మినెంట్ ఆఫీస్ ఏర్పాటు చేయాలని సీఐబీసీ నిర్ణయించింది.

తెలంగాణ ట్రేడ్ ప్రమోషన్ కార్పొరేషన్ లిమిటెడ్ (TSTPC), బల్క్ డ్రగ్స్ మానుఫ్యాక్చరర్స్ అసోసియేషన్స్ (BDMAI), చైనా - ఇండియా ఫార్మా ట్రేడ్ సెంటర్స్‌తో పాటు డ్రాగన్ దేశంలోని చాంగ్ షా, హునాన్ ప్రావిన్సు ఆధ్వర్యంలో తెలంగాణ, చైనా అధికారుల మధ్య మంగళవారం హైదరాబాద్‌లో అవగాహన భేటీ జరిగింది.

హైదరాబాద్ ఔషధ పరిశ్రమలకు కేంద్రంగా మారిందని ఈ సందర్భంగా పేర్కొన్నారు. మౌలిక వసతులపై పూర్తి సంతృప్తి వ్యక్తం చేశారు. ఇక్కడ ఉత్పత్తి అయిన ఔషధాల్ని దిగుమతి చేసుకునేందుకు చైనా అనుమతి ఇచ్చినట్లు వారు తెలిపారు. అలాగే, చాంగ్ షా, హునాన్ ప్రావిన్సుల్లో పరిశ్రమల స్థాపనకు ఇక్కడి వారికి అవకాశాలుంటాయన్నారు.