మున్ముందు మరింత గిరాకీ

* ఇంతకు ముందు గృహ రుణంపై వడ్డీ మినహాయింపు పరిమితి రూ. 2 లక్షలు ఉండేది. దీన్ని గత బడ్జెట్ లో రూ. 3.5 లక్షలకు పెంచారు. దీనివల్ల కొత్తగా గృహ రుణం తీసుకునే వారి సంఖ్య పెరుగుతుందని పరిశ్రమ వర్గాలు భావిస్తున్నాయి. ఫలితంగా మున్ముందు అందుబాటు ధరల్లో ఉండే గృహాలకు గిరాకీ పెరుగుతుందని భావిస్తున్నారు.

* భారత రిజర్వ్ బ్యాంక్ రెపోరేటు ను తగ్గించిన నేపథ్యంలో బ్యాంకులు కూడా తమ గృహ రుణాలపై వడ్డీ రేట్లను తగ్గిస్తున్నాయి. ఈ నేపథ్యంలో రానున్న కాలంలో ఈ రుణాలకు డిమాండ్ పెరగవచ్చని చెబుతున్నారు.

డెవలపర్లు ఏంచేస్తున్నారంటే..

* పెద్ద నోట్ల రద్దు, వస్తు సేవల పన్ను, రెరా వంటి గొప్ప సంస్కరణల మూలంగా రియాల్టీ రంగంపై దెబ్బ పడింది. నోట్ల రద్దు వల్ల నగదుకు ఇబ్బందులు వచ్చాయి. జీఎస్టీ తో పన్నుకు సంబంధించిన గందరగోళం ఏర్పడింది. రెరా తో మరికొంత కాలం ఇళ్ల కొనుగోళ్ల కోసం కొనుగోలు దారులు వేచి చూశారు. వీటన్నింటి ప్రభావం వల్ల అమ్మకాలపై పడినట్టు రియాల్టీ వర్గాలు చెబుతున్నాయి.

* అయితే ఇప్పుడు రియల్టర్లు ప్రస్తుతం తమ చేతిలో ఉన్న ప్రాజెక్టులను పూర్తి చేయడం పై ద్రుష్టి సారిస్తున్నారు. అంతే కాకుండా అమ్ముడు పోకుండా ఉన్న ఇళ్లను విక్రయించుకోవడానికి ప్రాధాన్యం ఇస్తున్నారు.

హైదరాబాద్ ఇదీ పరిస్థితి..

* ప్రాప్ టైగర్ వెల్లడించిన వివరాల ప్రకారం అమ్ముడుపోని అందుబాటు ధరల్లో గృహాలు ముంబై (1,39,984)లో ఎక్కువగా ఉన్నాయి.

* పుణేలో 98,378, అహ్మదాబాద్ లో 41,791, నోయిడాలో 35,811, కోల్కతా లో 30,923, గురుగ్రామ్ లో 22,307, బెంగళూర్ లో 20,146, చెన్నైలో 18,709, హైదరాబాద్ లో 4,881 యూనిట్లుగా ఉన్నాయి. హైదరాబాద్ లోని అతి తక్కువగా అమ్ముడు పోని గృహాలు ఉండటం గమనార్హం. ఈ నగరంలో అన్ని రకాల వసతులు ఉండటం వల్ల ఇళ్లకు డిమాండ్ ఎక్కువగానే ఉంటోంది.