రూ.72వేల కోట్లు పెరిగిన రిలయన్స్ ఎం-క్యాప్

గత వారం రిలయన్స్ ఇండస్ట్రీస్ లిమిటెడ్ (RIL) మార్కెట్ క్యాపిటలైజేషన్ ఏకంగా రూ.72,153.08 కోట్లు పెరిగి రూ.8,09,755.16 కోట్లకు చేరుకుంది. టీసీఎస్, హెచ్‌డీఎఫ్‌సీ బ్యాంకు, హిందూస్తాన్ యూనివర్ లిమిటెడ్, (HUL), HDFC, ఇన్ఫోసిస్, ITC, కొటక్ మహీంద్రా బ్యాంకు, ICICI బ్యాంకు, SBIలు నష్టాలను చవి చూశాయి.

రూ.30వేల కోట్లు కోల్పోయిన టీసీఎస్

టీసీఎస్ ఎం-క్యాప్ శుక్రవారం సాయంత్రం నాటికి రూ.30,807.1 కోట్లు తగ్గి రూ.8,11,828.43 కోట్ల వద్ద నిలిచింది. HDFC వ్యాల్యుయేషన్ రూ.19,495.4 తగ్గి రూ.3,62,123.92 కోట్లుగా, HDFC బ్యాంకు ఎం-క్యాప్ రూ.15,065.8 తగ్గి రూ.6,08,826.25 కోట్లుగా నిలిచింది.

దిగజారిన ఇన్ఫోసిస్

ఇన్ఫోసిస్ ఎం-క్యాప్ రూ.6,700.27 దిగజారి రూ.3,32,672.51 కోట్లుగా, కొటక్ మహీంద్రా ఎం-క్యాప్ రూ.6,525.48 తగ్గి రూ.2,86,340.99 కోట్లుగా, HUL ఎం-క్యాప్ రూ.2,954.95 తగ్గి రూ.3,95,335.97 కోట్లుగా, ITC ఎం-క్యాప్ రూ.1,657.41 దిగజారి రూ.3,10,488.97 కోట్లుగా ఉంది.

అయినా టీసీఎస్ టాప్

ICICI బ్యాంకు వ్యాల్యుయేషన్ రూ.790.71 కోట్లు పడిపోయి రూ.2,70,569.37, SBI మార్కెట్ క్యాపిటలైజేషన్ రూ.356.99 నష్టపోయి రూ.2,59,661.57గా ఉంది. అత్యధికంగా నష్టపోయిన టాప్ 10 కంపెనీల్లో టీసీఎస్ ఉన్నప్పటికీ ఎం-క్యాప్‌లో అదే నెంబర్ వన్ స్థానంలో ఉంది. టీసీఎస్ తర్వాత వరుసగా RIL, HDFC బ్యాంకు, HUL, HDFC, ఇన్ఫోసిస్, ITC, కొటక్ మహీంద్రా బ్యాంకు, ICICI బ్యాంకు, SBI ఉన్నాయి.